सॆःक्‍ढुङ्‌पा 5の有名な聖句

टर पाट्‌रुस हाङ् होइढा सॆःक्‍ढुङ्‌पाचिऎ आक्‍खाचि लोसुचि, “काङ्‌कॆ ग याॽमिचिम् खानावाँ हॆॽनॆ निवाँहाङ्‌मि खानावाँन खेम्‍मा लॆ।

हाङ् चोब्‍न डिना खोचि निवाँहाङ्‌मि खिम्‍पि हाङ् याॽमिचिम् खिम्‍खिम्‍पि खारामिहाङ् हानाम्‍स “येसुन खिरिस्‍ट, नुऎ खानावाँ हाङ् निवाँहाङ्‌मि चुप्‍लाङ् कामानुङ् चिन्‍से खेम्‍मिटुचिमि।”

टर पाट्‌रुसऎ खो सिमु, “ओ हनानिया, सॆङ्‌सॆङॆ लावा ढाँटु बङ्‌चामा हाङ् बाखा इन्‍चाम्‍पाबा टाडॆ याङ् टाङ्‌पानुङ् युङ्‌मॆ खानावाँ साइटानऎ मान्‍टहाङ् आनाम् निवाँबि टिबिटॆ? एइन्‍चामारक्‍स आनाम्‍न लॆटा। ह आनॆ इन्‍चामार स याङ् आनाम् हुक्‍पिॽन चु। मान्‍टक्‍ल निवाँबि काइसॆ खानावाँ मिॽलाउनॆ? आनॆ ग याॽमि टेःॽन हॆॽनि टर निवाँहाङ् स बङ्‌सिॽमा यगुना।” हाङ् हननियाऎ ग खानावाँ खेम्‍मा अक्‍सि फॆट्‌टरक्‍ट डाम्‍सिआ हाङ् उम् सक्‍मा खाइटा। हाङ् म खानावाँ खेम्‍खुबा चोब्‍न याॽमिचि एट्‌टान किसिखारामि।

इघा याॽमिचि माङ्‌स आलॆटाम्‍चिनॆ हाङ् लेॽहाङ्‌साम्‍नॆ कामानुङ् कॆ आन्‍ना लोकानि। मान्‍ठाभनॆ घाचिऎ चिन्‍मिम्‍पा खानावाँ याॽमिबाङ् हाङ्‌ग इघा याॽमिचि मरक्‍न माखॆमि टर इघा याॽमिचिम् खानावाँ निवाँहाङ्‌बा टामिम्‍पा हाङ्‌ग आन्‍नॆ इघा याॽमिचि माङ्‌स लॆहिसाम्‍निनि, टर आन्‍नारे निवाँहाङ् काइर लॆसि परक्‍मिम्‍पा लिकानि।”