प्रकास 8の有名な聖句

シェア

जेलाउ थुमा बुङ न्हितेङ मोहर भोइहि कालाउ इङको सोमोइ, आधा घान्टा थेकापा स्वर्गता चाका-मान्दा जेङहि।

लाङ स्वर्गदुत ताइको सानाइ म्होहि, कालाउ एन्सालाउ दोङ हेन्जा झोसे कालाउ हिति दोफाङ मिसालाइन्हाका मे प्रिथिबि ह्रुता हुल्हि। ओदोङ भाअ्सिङ प्रिथिबिको ए तिहाइ-भाग, कालाउ सिङगेलाइको ए तिहाइ भाग कालाउ गोताङ सिङजाल जाल्का घासिगेलाइ ओहि।

जेलाउ का आरोङ खाङघा, एनोङ बाजा मध्ये आकासता हेन्जा ह्रुता उराइतेङ हिका कालाउ तिराराइका गालाहोइ एसा दोअ्काताङ पाका का हिङघा, “सुमिङता हिका मारेम्का द्‍याङगेलाइको भाअ्सिङ या हेथे थिलि गोइका हि, हाइपालिपानु जेलाउ आम्तिम सुमि स्वर्गदुत ताइको सानाइ म्होतावा, कालाउ सुमलोङ आरु बिपतिगेलाइ इम्बालाइ ह्रुता ल्वावा।”

न्हेतेङ स्वर्गदुत ताइको सानाइ म्होहि, इङको सोमोइ एनोङ बारका ओतेङ हिका रा भाइका तिङका आमेने समुन्द्रता हुल्हि। ओदोङ भाअ्सिङ ए तिहाइ भाग समुन्द्रको चि हितिता भाङगाइन्हाहि।

सुमतेङ स्वर्गदुत ताइको सानाइ म्होहि, कालाउ आकाससो एनोङ बारका फुरु जाइ रा:को भाइपा जोल्घाहि इङको आकाससो हुल्हि। इङको फुरु चिको कालाउ झारनागेलाइको ए तिहाइ भाग ह्रुता हुल्हि। इदोइ कारान, इङको फुरु जेता हुल्हि इन्ताको गोताङ चि ए तिहाइ भाग खाहि कालाउ बिस जेङहि। हेन्जा द्‍याङगेलाइ जाइ इङको चि आम्हि वा सिहि। इङको फुरुको मिङ “ऐरेलु” हि।

द्‍यातेङ स्वर्गदुत ताइको सानाइ म्होहि, कालाउ सान्हेको ए तिहाइ भाग कालाउ तालिको ए तिहाइ भाग ह्रुता बिपति लोहि। जाइको कारान दिनाको ए तिहाइ भागता सान्हे मालोहि, कालाउ न्हिसिनको ए तिहाइ भागता फुरु कालाउ तालि बुङ माथासाइहि।