प्रकास 10の有名な聖句

シェア

एला धिला माजेनाङ। जेसाङ दोङ न्हितेङ स्वर्गदुत ताइको सानाइ म्होतावा कालाउ परमेस्वर एन्सालाउ दोङ ताइको काम पावा। वाको म्होन्हाका योजाना बुङ पुरा जेनावा, जाइ वा ताइकोङ बक्तागेलाइहेङ दोअ्का हिघाहि जाइ वाको सेवा पाखे।

कालाउ कासेहेङ या दोअ्हि, “जेदोङ काथा परमेस्वर नासेहेङ धुइलिको भाअ्सिङ पिहि, इङको काथा आरोङ गोताङ जाति कालाउ गोताङ सारभिको द्‍याङगेलाइहेङ, भेनेङ-भेनेङ भासा धुइका द्‍याङगेलाइहेङ कालाउ गोताङ राजागेलाइहेङ दोअ्सु।”

कालाउ न्हुसो का एमि बल्लियाका स्वर्गदुतहेङ स्वर्गसो लेता खुतेङ लोका का तिङघा। बादेल वाको कोरपाहाङ हिघाहि कालाउ धेङगुर वाको पुरिङको कोरपाहाङ हिघाहि। वाको ह्राइ सान्हे भाइपा चिल्कातेङ हिघाहि कालाउ वाको खोकोइ मेको खाम्बागेलाइ भाइका हिघाहि।

जेलाउ का वाकोता हानिघा कालाउ का वासेहेङ म्हुइका किताप पिलिको भाअ्सिङ हिअ्घा। कालाउ वा कासेहेङ दोअ्हि, “इङको ह्रु कालाउ चाअ्; इङको को स्वाद मह भाइकाङ ताअ्का हि, कालाउ न्हुसो नाङको हामु खाकाको कारानहोइ तुकावा।” ओदोङ भाअ्सिङ का इङको म्हुइका किताप ह्रुतेङ चाअ्घा, जेदोङ स्वर्गदुत चाअ्का हिघाहि। इङको सत्ये हिघाहि कि इङको को स्वाद मह भाइकाङ ताअ्का हिघाहि, कालाउ जेलाउ का इङकोहेङ निघा, कालाउ खाकाको कारानहोइ काङको हामु तुलि तेङहि।