फिलिप्पि 4の有名な聖句

シェア

हिदोइ बुङ काथाको फिकिरि मापासु, भरु गोताङ परिस्थितिता प्रार्थाना कालाउ निबेदनसो धन्यबाद दोफाङ नेलाइको बिन्ति परमेस्वरता प्रस्तुत पासु।

कालाउ परमेस्वरको सान्तिहोइ जेदोङ द्‍याङको सोचाइ खान्तेङ बाहार हि, नेलाइको मन कालाउ ह्रदयहेङ येसु ख्रिस्टता जोगाइतेङ ताअ्प्याङ।

आम्तिमता खान्धुराइ ओनेगेलाइ, जेदोङ काथा सत्ये हि, जेदोङ काथा आदारनिय हि, जेदोङ काथा ठिक हि, जेदोङ काथा सुद्द हि, जेदोङ काथा झालाफालापा हि, जेदोङ काथा क्रिपामय हि, जेसापा हाइ दोङ स्रेस्थता, कालाउ बाखिन योग्य हाइ दोङ हि पानु इदोइ दोङ काथागेलाइता मन लागाइसु।

ख्रिस्ट जाइ कासेहेङ सरबुङ पिखे वाकोसो दोङ का गोताङ काम पालि द्वाङका।

दिनाङ प्रभुता आनान्द पासु, का आरोङ बुङ द्वाङका प्रभुता आनान्द पासु।

काङको परमेस्वर ताइको महिमाता वाको सम्पति आन्सार नेलाइको गोताङ खाचो येसु ख्रिस्टता पुरा पापियाङ।

नेलाइ जेदोङ काथागेलाइ कासो कालाउ काङको व्यवभारसो धिरसुन्हा कालाउ ग्रहन पासुन्हा, इङकोहेङ व्यवभारता चुमासु कालाउ सान्तिको परमेस्वर नेलाइ दोफा ह्यावा।

नेलाइको सभ्य स्वभाव गोताङ द्‍याङगेलाइहेङ थाहा ज्याको, प्रभु धेमाङ लोदोङखे।

का आतुइसाता बुङ बान्चिलि द्वाङका कालाउ हेन्जा हिलाउ बुङ हेसा जिबन जियाइलि गोइखे का गिखा। हेन्जा चाका-आम्का ह्याको माकुनु आतुइसा चाका-आम्का ह्याको, हेन्जा हिलाउ बुङ माकुनु आतुइसा हिलाउ बुङ, गोताङ परिस्थितिता सोन्तसता हिलि का धिरका हिघा।

कासेहेङ गोइका हिदोइ बुङ आमेनेको खाचो हि दोअ्तेङ का गुनासो पाका माको, पाइपालिपानु जिसिकालाउ बुङ परिस्थितिता हिलाउ बुङ इङकोता सन्तोस हिलि का धिर्का हिघा।