कालाउ ख्रिस्ट दोङ मन्डलिहेङ इदोइ योग्यतागेलाइ पिहि: वा आधिमिहेङ छाल्न्हाका चात्यागेलाइ, आधिमिहेङ परमेस्वरको बक्तागेलाइ, आधिमिहेङ सुसमाचार प्राचार पालि, आधिमिहेङ मन्डलिको आगुवागेलाइ कालाउ आधिमिहेङ सिक्स्यकगेलाइ नियुक्ति पाहि। ख्रिस्ट द्याङगेलाइहेङ इदोइ योग्यतागेलाइ पिहि, कालाउकि इम्बालाइ परमेस्वरको पबित्तरो जनगेलाइहेङ वाको सेवा पालि तियार बानाइलि द्वाको कालाउ ख्रिस्टता इम्बालाइको खाङधुरि बल्लियाका जेनाको। केलाइ ताइको खाङधुरि पाहासो कालाउ परमेस्वरको चानको बारेता केलाइको फोम पाका पाहासो ए माजेङपा थेकापा इदोइ हितेङ ह्याङ। कालाउ केलाइ परिपक्क जेनाङ, कालाउ केलाइ वाको भाइपाङ जेनाङ, जेसाङ ख्रिस्ट हि।
