एफिसि 2の有名な聖句

シェア

हाइपालिपानु केलाइ परमेस्वरको सिरजाइन्हाका हिनाहि, कालाउ केलाइ येसु ख्रिस्ट दोफाको सम्बन्ध हिकालाइ नावा द्‍याङको रुपता एल्का काम पालिको भाअ्सिङ सिरजाइन्हाका हि। केलाइ इङको आसल कामगेलाइ पाइने दोअ्तेङ वा लाम्फा दोङ तियार पाका हिघाहि।

हाइपालिपानु जेलाउ नेलाइ खाङधुरि पासुन्हा कालाउ परमेस्वर ताइको आनुग्रह पाहासो नेलाइको मुक्ति पाका हि, नेलाइ ताइमिङ दोङ उद्दार निङका माको, भरु इङकोते परमेस्वरको दान हि। या नेलाइको पाका रेम्का काम पाहासो माको, ओदोङ भाअ्सिङ नेलाइ दोफा घमन्ड पाका हिदोइ बुङ कारन मान्थु।

कालाउ परमेस्वर ओसारापाङ दायालु हिका हि, कालाउ केलाइहेङ हेन्जा प्रेम पाखे। जेलाउ केलाइ आत्माता सिका हिघान्हाहि, केलाइको ख्रिस्टको दोफाको सम्बन्धको कारन वा केलाइहेङ आनान्त जिबन निङलि योग्य बानाइहि, कालाउ परमेस्वरको आनुग्रहसो नेलाइ मुक्ति निङका हिसुन्हा।

केलाइको येसु ख्रिस्ट दोफाको सम्बन्धको कारन परमेस्वर केलाइहेङ बुङ सिकासो सिन्चाल पाहि, कालाउ वाको दोफाङ स्वर्गता सासन पालि पिहि।

ओदोङ भाअ्सिङ नाअ् गैर-यहुदिगेलाइ एला नेलाइ परदेसि कालाउ प्रबासि माको, भरु परमेस्वरको पबित्तरो जनगेलाइ दोफाङ परमेस्वरको सदस्यगेलाइ जेङका हिसुना। नेलाइ बुङ छाल्न्हाका चात्यागेलाइ कालाउ परमेस्वरको बक्तागेलाइ योम्पाका जगता बानाइका साअ् भाइका हिसुन्हा। कालाउ जगको मुलि उन्ठुइ चाहि येसु ख्रिस्ट ताइमिङ हि।