Eseia 42の有名な聖句

シェア

“Fi ydy’r ARGLWYDD, dw i wedi dy alw i wneud beth sy’n iawn, a gafael yn dy law. Dw i’n gofalu amdanat ti, ac yn dy benodi’n ganolwr fy ymrwymiad i bobl, ac yn olau i genhedloedd – i agor llygaid y dall, rhyddhau carcharorion o’u celloedd, a’r rhai sy’n byw yn y tywyllwch o’r carchar.

Fi ydy’r ARGLWYDD, dyna fy enw i. Dw i ddim yn rhannu fy ysblander gyda neb arall, na rhoi’r clod dw i’n ei haeddu i ddelwau.

Dyma fy ngwas, yr un dw i’n ei gynnal, yr un dw i wedi’i ddewis ac sydd wrth fy modd i! Rhof fy ysbryd iddo, a bydd yn dysgu cyfiawnder i’r cenhedloedd.

Fydd e ddim yn torri brwynen fregus nac yn diffodd llin sy’n mygu. Bydd e’n dangos y ffordd iawn i ni. Fydd e ddim yn methu nac yn anobeithio nes iddo sefydlu’r ffordd iawn ar y ddaear. Mae’r ynysoedd yn disgwyl am ei ddysgeidiaeth.”

Dw i’n mynd i arwain y rhai sy’n ddall ar hyd ffordd sy’n newydd, a gwneud iddyn nhw gerdded ar hyd llwybrau sy’n ddieithr iddyn nhw. Bydda i’n gwneud y tywyllwch yn olau o’u blaen ac yn gwneud y tir anwastad yn llyfn. Dyma dw i’n addo ei wneud – a dw i’n cadw fy ngair.

Mae’r pethau cyntaf ddwedais wedi dod yn wir, a nawr dw i’n cyhoeddi pethau newydd. Dw i’n gadael i chi glywed amdanyn nhw cyn iddyn nhw ddechrau digwydd.”