Romans 14の有名な聖句

Qayughllak Kiyaghneghem Ataneghpagullghani sangwaat neghegkaputlu meghegkaputlu megnunanghitut. Ukut megnunaghtut: elqughutngalleq, nekeggmelleq, quyalleqlu; taakut Agleghnalghiigneng Taghneghagneng pinguut. Taakut atuqluki qepghaatilghiim Christ‑amun, efqughlleqaa Kiyaghneq, itagnaqelleqaatlu yuget.

Unguvakumta, Ataneghmun unguvanguukut. Tuqumakumta, Ataneghmun tuqullequkut. Enkaam unguvayaghngaamta nalighmeng tuquyaghngaamta Atanghem pikiinkut.

Enkaam atuulteggu nekeggmellengestiyaghqaq, kayemututeltallu ugpelleghtughtaghaghnaluta.

Enkaangam taaqelta nanqigtunneghmeng. Yeghlegi, umyugaput ataasiightelteki ugpeqaalgutfut naagtestefqaan nalighmeng seghleghqestegpenaan pilteggu.

Akuzitni Igaqegkani igaqngaaq, “Ataneq piiq, qayughllak whanga unguvalghiinga Kiyaghneq, tamaghhaghmi yuuk segesqughquullequq whangamnun, tamaghhaghmillu yugem usuqelleqaa Kiyaghneq.” Enkaam qamaglluta Kiyaghneghmun apeghyaghqaqaghput salleghput, sanganllu tawaten pimatfut.

Upughateggu yuuk ugpeqilleghqestaaghhaq akulegpesinilnguq. Aaghtiiraaghusiqegpenaan sangwaa ugpeqegkaa elqughutngatanga nalighmeng anaggutngatanga.

Kinanguniluten piiqsin nanqigtilghii kitum qepghaghtenganeng? Qepghaghtem piliitistenginaan nanqiglleqaa pinitun pimatanga nalighmeng seghletun pimatanga. Atanghem qepghaghtenga pinitun pillequq qayughllak Atanghem kayusighyaqlegukanga pinitun pisqelluku.