Iwernga elpesi tawatesaghqaanghitusi. Nalighsi igleghutistenguyukumi qepghaghtengughlli elpesinun. Nalighsi aangelleghpigaayukumi qepghaghtelaaghughsaghqaaguq elpesinun, katam tawaten Ighneghan Yugem pillghatun. Tagimangituq qepghaatesqelluni iwernga tagikaaguq qepghaatinaluni, tuunalukullu unguvalleni naveghqellisiqnaluku uglapiglleghhiinun yugnun.”