ഓഗന്നാ് 12の有名な聖句

シェア

എനാക്ക് ബേ്ണ്ടി ബേലെ സെയ്യ ആസെ ഇര്‌ക്കവാ് എന്ന് പിന്ന്‌മേലെ ണഡാക്കുഡൊ. അച്ചെ എനാക്ക് ബേ്ണ്ടി ബേലെ സെയ്‌രവാ് ണാന് ഇര്‌ക്ക പട്ടിലി ഇര്‌ക്കുവാ്. എനാക്ക് ബേ്ണ്ടി ബേലെ സെയ്‌രവാന അപ്പനാന സാമി മദിക്കുവാ്.

തന്ന് ഉജുറുണ സീവാ് ബ്‌ഡ്‌റവാ് അദ്‌ണ കെ്ഡേസമാട്ടാ്. ആന ഈ ഉലഗാത്തിലി തന്ന് ഉജുറുണ സീവാ് ബ്‌ഡാത്തവാ് എപ്പേക്ക്‌മ് ഇര്‌ക്ക പെ്ളേപ്പ്‌ക്ക് ബേ്ണ്ടി തന്ന് ഉജുറുണ സൂസാരിത്ത് ബെക്കാ്.

ണേര്‌മായിമ് ണാന് ണിമാക്കെ സൊല്ലുറെ, ഗോദിമ്പെ ബെദെ മണ്ണ്‌ക്കെ അലേക്കാദേമ് സാഗാദേമ് പോന അദ് അച്ചെതാനെ ഇര്‌ക്കു. ആന അദ് സത്താലൊ മൊത്തന ബെദെ കെ്ഡേക്കു.

എന്നോഡെ ണമ്പിക്കെ ബെത്തിര്‌ക്ക ഏവാനാമ് ഇ്റ്‌ട്ടിലി ഇര്‌ക്കാദെ ഇര്‌ക്ക്യ ബേ്ണ്ടി ണാന് ബെ്ള്‌സായി ഉലഗാക്കെ ബന്തിര്‌ക്കെ.

എന്ന് ണായണ കേ്ട്ട് അദേപഡി ണഡാക്കാത്തവാന ണാന് ബിദിക്കമാട്ടെ. എന്ത്‌ക്കെന്റ ണാന് ബന്താദ് ഉലഗാത്തില്യ ആള്‌ഗണ ദെങ്ക്‌സ്യ ബേ്ണ്ടിത്തെ. അല്ലാദെ ബിദിക്ക്യാല്ല.

അക്കുളെ മറിയ അരെ പഡി ണല്ല ബെലെപെറ്റ ണാറ്‌ദി എങ്ക ബാഡെ എ്ണ്ണെന എ്ഡ്‌ത്ത് ബന്ത് ഏസുദ് കാല്‌ക്കെ ഊറ്റി തന്ന് തലെമൂര്‌ക്കെ അയാള് കാല്‌ണ തെനേത്ത. അയ്യി എ്ണ്ണേദ് ബാഡെ അയ്യി കൂരെ മുച്ചുഡ തുമ്പിറ്റ്.

അവാര് പേരീസ് ഓലെന എ്ഡ്‌ത്ത് ബന്ത് ഏസുണ ബരവളിക്ക്യ പോയി: <<ഓസാന! <ആണ്ടവാന്‌ദ് പേരിലി ബരവാ് ബാഗ്യക്കാറാ്!> ഇസ്‌റേല്‌ദ് റാജാവു ബാഗ്യക്കാറാ്>> എന്ത് ആലാത്താലാത്ത് സൊല്ലികൊണ്ടിര്‌ന്താര്.

അക്കുളെ ഏസു അവാര്‌ക്കെ ഇച്ചെ സൊന്നാ്: <<മന്‌സാനായി പ്‌റാന്തവാന്‌ക്ക് മദ്‌പ്പ് കെ്ഡേക്ക ണേര ബന്തിര്‌ക്ക്‌ദ്.