ማቲወስት ወንጌል 5の有名な聖句

シェア

እቅም መቭራት ኣቭርኽዝጝ ጝኒዝ ኣቒል ፅበቍ እቂዝቅ ኣቭርኽጠ ማጥን ንየ ዲቭየይል እቝርጘኵጚ ቃቀዝ ኣቒል እቝራቍም። እኒዝጘም እቅ ክትን ሰራሽርነው ቀሰው ሰቭድየንት ቓልጝ ሲመይ ፅበው ክታይርድየንት ሚዝየንዝጛንስ ማጥን ክታብርኻንድ እቀ በዊልቅ ኣቭርኽነ።»

ክትን ኣልሚዝ ብርኻን የጝ፤ ኣበል ተሲትረይ ኻትመ ጭቭርተ ቸላይም።

ንፅዅ እዘን ፃየቍ እቅ ቀቫሸቍ ጛይ፤ እደረት ቓልጥቍነ።

ፅድቅ ግድርደቍ ዝቛንደቍም እቅ ቀቫሸቍ ጛይ። እቭትጥቍነ።

ያን ግን ክታፃለታንድ ቀንጥን፤ ክታት እፀቍድዛት ጊቭትጥን፤ ክታት ሽክተቊዝ ቀሰው ፃቭጥን፤ ክታት ሲድሰቊዝ ፃልይጥን የኵን።

«መንፈስዝ ድኽ ኣቐቍ እቅ ቀቫሸቍ ጛይ፤ ምጝግስተሰማያት ጝታወ ጚነ።

ኣርቅሰቍ እቅ ቀባሸቍ ጛይ፤ እደረት ቝር ይሽትጥቍነ።

ኻዝነቍ እቅ ቀቫሸቍ ጛይ፤ ዲብሽተነው ችጝጥቍነ።

ፅድቅዝ ማጥን ሲድሽሸቍ እቅ ቀባሸቍ ጛይ፤ ምጝግስተሰማያት ጝታወ ጚነ።

ስቝርት ፃቨቍ እቅ ቀቫሸቍ ጛይ፤ ጛይም ሳቝርሽጥቍነ።

«እቅ ይቍዝ ክታት ዛሽጛንድ፣ ሲድስጛንድ፣ ኻሽትዝም ክታሽድ ጨቅጛንድ፣ ቀቫሽርነቅ የጝ። ሲመይስ ችጝትርኑ ክታወየድ ኽየው ኣቓንስቅ ዲስ ይጥን፤ ኽየው ዲስተም ፃቭጥን፤ ክታበውገ ዊነቍ ነቭያታንድዛትም እነሽጝ ሲድስጝኵ።»

ገርኻን እቅ ቀቫሸቍ ጛይ፤ ዝቨት ዊርስጥቍነ።

«ክትን ዝቨት ጭወጥረ የጝ፤ ዊገድ ግን ጭወጥረ ጝጣምነድ ባን ወረጘዝ ጣምትጡ? ቢዘይል ማልሽት እቀ ልኵዝ ደድሽጠ ኣቕሽጚ ጝዝለ ውርም ጣቅማው።

እንዝ ማጥን ሲመይቱ ክታይርድ ፍፅም ኣቐጘ ክትንም ፍፅማን ኣጥን።»

እንዝ ማጥን ዊግትርናንድቅ ክታቃልድ፦ ‹የይ› ኣቕሽ፦ ‹የይ› ኣነ፤ ‹ኣየውም› ኣቕሽ፦ ‹ኣየውም› ኣነ፤ እንዝለቱ ዊገድ ግን ሲጣኒዙ የጝ።

« ‹እልዝ ፊንተ እል፣ እርቍዝ ፊንተ እርቍ ፍነ› ይሽተጘ ወሽርንኵርኑ። ያን ግን ክታጭስ የኵን፤ ጭቓ ፃቨው እጅርድየንት ተቃውምሽትርነ፤ ዊገድ ግን ክለወ ጥቋድየንት ጥፊዝ ጣዘዊዝ ፃግቭ ጥቋድየንት ቈሽ ጅልውዝር ይይ።

ክለው እልድ ክት ቀስሽ ጝት እለ ፊስር ማል፤ ክሰውነትድ ምሉዝ ግኻነመሳትል ጥወነዊስ ክሰውነቲስ ላው ኣካል ብራን ቺዘኵ። ክለው ናንድ ክት ቀስሽ ጝት ቅዝር ማል፤ ክሰውነትድ ምሉዝ ግኻነመሳትል ጥወነዊስ ክሰውነቲስ ላው ኣካል ብራን ቺዘኵ።