ማ̈ቶ̈ሳ 23の有名な聖句

シェア

ዪንታ̇ ጋርታ̇ ዪንቲ ዎይንፖ̇ ሺዝ ና̈ሳዲ ኢ ዪንታ̇ቦ ኣሽካ̇ራ ማ̈ቆ̇ ጋ̈ቤ።

ፌ̈ብ ፌ̈ና ሾክ ሾክ ዎቲዛ̈ዲ ኢ ዪርክ ጌይሬ፤ ፌ̈ና ዪርክ ዎቲዛ̈ዲ ኢ ሾክ ጌይሬ።

“ዪንቲ̇ ኮሽ ማይጻር ቤንታ̇ንዳብ ኮዪዛን ሙ̈ሳ ሂጋ̇ ኣስታማ̈ራንኬ ፋራሳ̈ዋን! ዪንታ̇ ባዚ ኣዬ! ዪንቲ̇ ካር ጋ̈ላ̇ ጋልዳፖ̇፣ ኢንሲላ̈ላ ጋልዳፕኬ ኮሮ̈ሪማ ጋልዳፖ̇ ኣስራ̈ታ ኢሚ̇̈ርዶሪ ሂጋ̇ ማጻ̈ፋ ጋልዳ ዎ ሺ ኮሺ̇ዝ ባዛን ኣሺ̇ኔ። ዪንሬ ኪን ፊርዳ፣ ማ̈ሪቲኬ ጺሊ̇ቲ። ዪንቲ̇ ሴካ̇ንር ኣሻካ̇ይዶሪ ዓንር ኦ̈ንዳብ ኮሺ̇̈ሬ።

“ዪንቲ̇ ኣሳ ቲ̈ን ኮሽ ማይጻር ቤንታ̇ንዳብ ኮዪዛን ሙ̈ሳ ሂጋ̇ ኣስታማ̈ራንኬ ፋራሳ̈ዋን! ዪንታ̇ ባዚ ኣዬ̇! ዪንቲ̇ ዋ̈ንጪንዲኬ ጋባቲን ጋሊ̇ን ጌ̈ሺ̇̈ሬ፤ ጋርሲ̇ንዳ ዪንቲ̇ ቡሪባርኬ ሱ̈ቃ̇ባር ሺ̈ሺ̇ኖ ባዝባር ኩሚኔ።

ዬሱ̈ሲ “ኣ̈ሽ ዬሩሳ̈ላሜ! ዬሩሳ̈ላሜ! ኣ̈ሽ ናባን ዎዚንዴ! ኔ̈ክ ኪ̈ታ̇ር ሚሺኖን ሹችባር ቆጻ̇ዚንዴ! ኩቲን ፌ ናኣን ፌ ካ̈ፒ̇ን ጋርታ̇ ሺ̈ሻ̇ዚንዲፌ̈ን ታ̈ናር ኔ ናኣን ዎልኣ ፔታ̇ን ሺ̈ሻ̇ንዳብ ኣ̈ፊ̈ን ጎይ ኮዪና! ዎቲናካር ዪንቲ̇ ኢጺ̇ዴ።

ዪና̇ ኢዝፌ̈ኒ ዪንቲ̇ ዛ̈ና ኣሳ ቲ̈ን ጺላ̇ ኣስ ማይጻ̇ር ቤንቲ̈ርዶኒ ዪንታ̇ ጋርሲ̇ንዳ ኮሽ ማይጺዝ ኢ̈ቲ̇ቲባርኬ ዉጫባር ኩሚኔ።