matta 5の有名な聖句

シェア

ur‑a‑ssrġan mddn lqndil a‑t‑in‑srsn ġ‑ddu lɛbrt, walaynni f‑iggi n‑mani yattuyn a‑f‑a‑t‑in‑srasn baš ad‑isfiwn kullu ayt‑tgmmi. ġmkad a‑s‑d‑iqqan tifawt‑nnun a‑tisfiw ġ‑lgddam n‑mddn, baš ad‑ẓrn afulki lli‑tskarm alġn babatun lli‑illan ġ‑ignna.

kunni tgam tifawt n‑ddunit. tamdint nna‑illan f‑iggi n‑uwrir ur‑tẓḍar a‑tntl.

imbarkin ad‑gan ġwilli dar ul iġusn, ašku ntni a‑ra‑iẓr rbbi.

imbarkin ad‑gan ġwilli yaġ laẓ ula irifi i‑ma‑irḍan rbbi, ašku ntni a‑ra‑išbɛ.

imma nkki rad‑awn‑iniġ, ḥnnwat ġ‑inuwwašn‑nnun, tḍalbm rbbi a‑irḥm ġwilli‑kʷn‑ssrfufnnin.

«imbarkin ad‑gan ġwilli ssḥssanin is‑ur‑gin yat, ašku ntni a‑mi‑tlla‑tgldit n‑ignna.

imbarkin ad‑gan ġwilli skarnin sslamt, ašku ntni a‑ra‑ig rbbi d‑tarwa‑ns.

imbarkin ad‑gan ġwilli allanin, ašku ntni a‑mi‑ra‑isfiḍ rbbi imṭṭawn‑nsn.

imbarkin ad‑gan ġwilli trfufunnin f‑ssibt n‑ma‑irḍan rbbi, ašku ntni a‑mi‑tlla‑tgldit n‑ignna.

imbarkin ad‑gan ġwilli tḥnnunin ġ‑wiyyaḍ, ašku ntni a‑f‑ra‑d‑iḥnnu rbbi.

imbarkin a‑tgam iġ‑kʷn‑rgmn mddn ssrfufnn‑kʷn inin fllawn kullu ma‑yʷh̬šnn s‑tkrkas f‑ssibt n‑ma‑tgam winu. thnnayat tfrḥm bahra, ašku tggut lbaraka lli‑rad‑awn‑yili ġ‑ignna. han ġmkan ad‑ssrfufnn ula lanbiya lli‑kʷn‑d‑zwarnin.

imbarkin ad‑gan ġwilli tṣbarnin, ašku ntni a‑ra‑išškšm rbbi s‑kullu timih̬ar‑ns.

«kunni tgam tisnt n‑ddunit. walaynni iġ‑tlmus tisnt ma‑s‑ra‑stti‑tssmarġm? ur‑sul‑tgi i‑yat. ra‑stt‑in‑luḥn mddn ġ‑brra akʷln fllas.

imma kunni, illa fllawn a‑tfulkim s‑ufulki ikmmln, ġmklli kullu ifulki babatun n‑ignna.

illa fllawn a‑ig‑wawal‑nnun ‹iyah› nġd ‹uhu›. aynna tzuydm i‑mayan, han iblis a‑d‑ikka.

«tsfldm is‑inna musa ‹tiṭ s‑tiṭ, ula ah̬s s‑wah̬s.› imma nkki rad‑awn‑iniġ, a‑ur‑tmmaġm d‑yan gigun iskrn ma‑yʷh̬šnn. iġ‑k‑yut yan f‑umadl afasi, gllb‑as‑n aẓlmaḍ.

iġ‑a‑k‑tssṭar tiṭ‑nnk tafasit, ssukf‑tt‑id tluḥt‑stt. yuf a‑k‑ih̬ṣṣa yan‑ugzzum ġ‑ddat‑nnk ula a‑n‑kullu‑ttyawgar ddat‑nnk ġ‑jhnnama. iġ‑a‑k‑issṭar‑ufus‑nnk afasi, bbi‑t tluḥt‑t. yuf a‑k‑ih̬ṣṣa yan‑ugzzum ġ‑ddat‑nnk ula a‑kullu‑tddu ddat‑nnk s‑jhnnama.