Lntadan 20の有名な聖句

シェア

“Yaku we Utux Tmninun, Utux Baro su. Dmnudul ku platac sunan peeyah dxeral Micrayim pntqliyan su. Wano ba yaku, iya thmuku utux icil.

Iya gmequr smalu tikung namu nanak. Iya mmhemuc smmalu ani maanu hnyegan, mntena so hnyegan gaga karac baro, toma dxeral ma, gaga ckceka qsiya. Iya thmuku hnyegan kiya ma, iya qeepah dheya. Ado yaku Utux Tmninun, Utux Baro su we Utux Baro pnugaya ba qnnaqah. Qmnriqu kenan ka seediq we pkdraun mu ka qnquwan noda dheya ma, betaq mu msn3, msn4 knxalan lqlaqi daha.

Sprui ka tama ma bubu. So ali bnege Utux Tmninun, Utux Baro su ka nniqan su bobo dxeral we maha bsiyaq.

Lnglungi ba ka ali sngayan, ngali ali mrtaso.

Iya hmtani rmengo ka ngayan Utux Tmninun, Utux Baro su. Ado mmhemuc dmoi ngayan Utux Tmninun we, Utux Tmninun we uxe na ngalun kesun uka qnquwan noda ka heya.

6 ali we qphani kana ooda su. Tg7 ali we ppyugi ali sngayan su quri Utux Tmninun, Utux Baro su. Ali nii we isu, lqlaqi su, dtnqliyan, tnbugan su ma, dseediq tnooda mkkesa ckceka alang su we, iya bale qeepah ani manu qpahun.

Iya sqquru sapah ssiyo su. Iya sqquru mqedil, tnqliyan, tnqliyan mqedil, dapa ma roba ma, kana dnoi daha ka isu.”

Iya qberiq pgkela pqnaqah ssiyo su.

Iya mmhemuc msuupu.

Iya phuqil seediq.

Iya geeguy.