Mar 6の有名な聖句

シェア

Woo a daa wolen nə́ mɔnaa parsiini, haalɛ biikoo din ba Yezu laanka a kialandɛnan lon ǹ tá màn bii wa. Bɛ lɛ nɛ á tɔ́n pɛ ǹ nɛ mà ǹ da kun ka asɛ nɛ bǎã kɔ́n nɛ tiãlɛa, ǹ nə n susu boɛɛn nɛ.

Yezu tɔ́n pɛ ǹ nɛ: «Lawa a boo gii-dali yii a puusə koe bǎã kɔ́n nɛ wa, bɛ̀ á n bɔ a din a yɛ ǹ kiwi ni, ka a din dɔɔ̃nɔn laanka a din a sumu minin bii.»

Yezu bɛ́ á soo á n bɔ goo lɛ nɛ ǹ mɛn waáraa, á zaman gole yɛ. Minbuiinin lɛn makara kũ parsiini, a giala mà ǹ nə́ goã goon ka sèren mɛnɛn bɛ́ lɛduə̃li ná a ba ǹ la wa. A ná a giala kɔ á ǹ daraa sii gigiã ganaa.

Yezu na á n gɔn da busulən kɔnɔn la walan, á ǹ kaka kɔ. Bɛ̀ á n bɔ bɛ nɛ, a boo la á kaãbaa ǹ sii kɔ́n zɛnaa walan wa. Ǹ dinin golee Yezu li baã kɛ lɛ-n á kaãbaa da Yezu ganaa. Bɛ kio, Yezu goã n bibiĩ lɛ-a ǹ kiwin ni á n minin darɛɛ.

Bɛ kio Yezu bɛa buuru sooro lɛ laanka zɔ̀ màn paa lɛ goa, á n yɔrɔ dia lon á barka da Lawa nɛ. Á buuru lɛ yiyiɛ kɔn á kɔ a kialandɛnan lɛn la, mà ǹ gii zaman lɛ nɛ. Á zɔ̀ màn paa lɛ dɔ gii ǹ tumaa bii. Didie màn bii á kã. Buuru gialakun laanka zɔ̀ gialakun mɛn goã, a kialandɛnan lɛn nə́ goa ǹ nə́ woo ne, á kankaan fulupaa pã.