Aze 1の有名な聖句

シェア

Ƴɛrɛŋa a, a mãa Sore, a Kpɛnʋ-za-sob, ɩ̃ yere na kɛ́ nyɩ tɩɛrɩ nyɛ̃ a lɛ a na ŋmɛ̃ nyɩ a. Nyɩ bʋ̀r'ɩ yaga, ɛ́ wa cɛ blãlɛ. Nyɩ mɩ́ dɩ na, ɛ́ bɛ tɩw ɛ. Nyɩ mɩ́ nyũ na, ɛ́ bɛ sɛw ɛ. Nyɩ mɩ́ su n kparɩ, ɛ́ a nyɩ ƴã-gamɛ bɛ mɩ́ tʋl ɛ, ɛ́ a sã-ya-diere sã-ya libie mɩ́ baarɩ fɔ̃w, mɛ̃ wɛr-wɔ-puo pʋɔ n'a ʋ de ƴãw a!

Nyɩ do tãw zu tɩ bɔ dàar wa lɛb mɛ n a ɩ̃ yir-kpɛ̃ɛ, lɛ n'a a ɩ̃ pʋɔ na pɛlɩ, ɩ̃ɩ wul a ɩ̃ yúor-vɩɛlʋ-danʋ, a mãa Sore n'ʋ yere. Nyɩ tɩ tɩɛrɛ na kɛ́ nyɩ na cɛ n yaga za, ɛ́ a wa ɩ pʋrɩlɛ. A pʋrɩ al nyɩ na kul'ɩ a, ɩ̃ pɛblɩ a na yaarɩ. Bʋnʋ ƴãw n'a? Ɩ̃ sowre nyɩ na, a mãa Sore Kpɛnʋ-za-sob. A ɩ̃ yir-kpɛ̃ɛ na lo gã, ɛ́ ŋa za mɩ́ su zu kaarɛ a ʋ yir zie a ƴãw n'a.