ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ Գլուխ ԺԵの有名な聖句

シェア

Այսուհետեւ, եղբարք իմ սիրելիք, հաստատուն եղերուք, անշարժ կացէք, առաւել լերուք ի գործ Տեառն յամենայն ժամ. գիտասջիք զի վաստակքն ձեր ոչ են ընդունայն առաջի Տեառն։

Այլ շնո՛րհք Աստուծոյ, որ ետ մեզ զյաղթութիւն ի ձեռն Տեառն մերոյ Յիսուսի Քրիստոսի։

Մի՛ խաբիք. ապականեն զբարս քաղցունս բանք չարք։

Այլ շնորհօքն Աստուծոյ եմ զինչ եւ իցեմ. եւ շնորհք նորա որ յիս՝ ընդունայն ինչ ոչ եղեն. այլ առաւել քան զնոսա ամենեսին վաստակեցի, եւ ոչ եթէ ես՝ այլ շնորհքն Աստուծոյ որ ընդ իս։

Ո՞ւր է, մահ, յաղթութիւն քո. ո՞ւր է, դժոխք, խայթոց քո։ Խայթոց մահու մեղք են, եւ զօրութիւն մեղաց՝ օրէնք։

Արդ խորհուրդ մի ասեմ ձեզ. Ամենեքեան ննջեսցուք, այլ ոչ եթէ ամենեքեան։ Նորոգեսցուք յանկարծակի՝՝ յական թօթափել ի փող յետին, քանզի փող հարկանի, եւ մեռեալք յարիցեն առանց ապականութեան, եւ մեք նորոգեսցուք։

քանզի մարդով եղեւ մահ, եւ մարդով՝ յարութիւն մեռելոց։ Որպէս Ադամաւն ամենեքին մեռանին, նոյնպէս եւ Քրիստոսիւ ամենեքին կենդանասցին։

Զի պարտ է ապականութեանս այսմիկ զգենուլ զանապականութիւն, եւ մահկանացուիս այսմիկ՝ զգենուլ զանմահութիւն։

Զի պարտ է նմա թագաւորել մինչեւ դիցէ զամենայն թշնամիս ի ներքոյ ոտից իւրոց։ Յետին թշնամին խափանի՝ մահ. եւ զամենայն ինչ հնազանդ արար ի ներքոյ ոտից նորա։