Danyeli 3の有名な聖句

シェア

Shadaraka, Meshaka, na Abedinego va tivula, ni va volera mwami, O Nebukadinezaru, Si ku veye nelyenya kukutivulira ku likuva yili. Ni ga va ni ga veye ndiyo, Nyasaye wetu wa ku tumekira a nyala kukuhonnya mu kisambiru kyaakanga muliru ligali; naye a la ku honnya mu mukona gugwo, O mwami. Navutswa ni ga vula kuva ndiyo, ga manyekane ku ive, O mwami, si ku li tumekira vanyasaye vovo, kinga kusigamira kifwananyi kyethahabu kya wa singeridza.

Ya tivula na a vola, Henza, ndola avandu vane avaboholole, va vodonkana hagati ho muliru, muliru si gu va diye mba; na ligondo lya uyu wa kane li fwanana nelyomwana wa vanyasaye.

Nebukadinezaru ya gamba na a vola, Nyasaye wa Shadaraka, Meshaka, na Abedinego, yidzominywe, u tumi ingelosi wewe, no kuhonnya avatumekiri veve ava mu suuvira, nokugirunkannya likuva lyomwami, nokuhaana mibiri gyavo, va vule kutumekiri nokusigamira munyasaye wundi, u ta li Nyasaye wavo.

Kigira yaga inze mbaana munwa, ku tsihiri tsyosi, ku tsimpya tsyosi, ku tsinimi tsyosi, ava vola kindu kidamano ku Nyasaye wa Shadaraka, Meshaka, na Abedinego, va la kalagwa vidonye, na tsinyumba tsyavo tsi la kolwa isina; kigira si ha veye na munyasaye wundi u nyala kuhonnya kuli ndi.