MARKUS 13の有名な聖句

シェア

Ugunda nadya si nenesa leboka, nimi nidyaʾ ara ugunuk lek senelemnesak. Bok ban nidyaʾ unuldalameija hnoum an siklewoka bulumlyaʾ ara sidyaʾ daknamla dara, benyek eimik era blebnamla,” wenyaboka neksuk.

Hek sum unnuwanamlaʾ ara, ugunda elgom ululum bok anasa, ugunda pe keeboka diri ulumnulum.

Dara ugun nong ara henga geregoka, giliwoka bo biniboka, yok nang soruk ak dob eleganasak dara, nunda hekaʾ huru yuba sabnemab senewoka ganya daldom-daldom anaʾ ara mem. Ugunja ganya doboka sabnenggunulum, alda Imik Neyung Geisinya adya sabnelabok anasa, wera ban salek enyek anak eleganenggelaʾ sunuwoka, yub enyek or wenyhenelum.

Im ab soko ab dara denghenelabok, nadya yub ek dara, denghenggunumla,” hyok.

”Ban nidyaʾ unuwanamlaʾ anaba, nimi hnon hek sum ek, hek jam ek unuwanamlaʾ ara, hyak elgom ulumak. Imik heikek sam ulumak lero nang eneba elgom ulumak, alja me neneba elgom ulumla, alda Imik Neyung ok albeyokaʾ ella ulumla.

Anasa ugunda mal irr anaʾ gom, nimi nauba malya ura obdangdo yabalamak an yuba kebnelum dara, ganya oldanggom, mem. Ban yokaʾ-yokaʾ nidyaʾ ara men unuru yabalemnamla, bok nera anam sidyaʾanya gomaʾ.

Wera anasa, e damnya bera hek sum yanamlaʾ ara, ugunda elgom ululum bok anasa, wera e damnya bera, alda sinik sam gom, inimnek dukdukanek gom, gweleknek yangman gom, henga doroklamla salek yanamla gom anasa, pe diri ulululum. Alda yanggalya salek, ugunda hogunga malamunaʾ ak eibsilyek aboka, pe diri ulululum. Nadya ugunuk an pe diri ulululum hesinya nenera, onoʾ nimi nidyaʾ yok nim ek anaba, pe diri ulululum wenyalamna,” hyok.

Dara yok mok soko nim edya, yok mok soko nim ek mala boboka, nauba obdangdo yabalemnemak. Mok soko me sogoumaʾ dorogoka, gwaneng okaʾ lanawanamla. Dara ban yokaʾ-yokaʾ unulumnamlaʾ nidyaʾ ara, wenyok yok un salek dorowonunaʾ aboka, anam ganya okna dabnaʾ lanab einiwanamlaʾ ara an.”

Bok Imik Neyung adyaʾ perob lero yanggan yub ek dara, mok soko me nidyaʾ men leb elekdo yibinimak.

Eimik dara, nimi gong nadya si nek sibdangoka yanamaakanya lebnemakja, Alda na an, wenyaboka nimi gong sondaʾ leboka bobnenewanamak.

”Bok ban ugun nong ara, pe keebdaboka ulumnelum! Eimik era ugunda yub amba yana lelesin nang ek dob elegoka, ugunda Yahudi nim edya yuba don e pik saboka olomnesak. Ugunda nasamba leboka, mok soko dub nang ek hnon, wenesin dub nang ek hnon, sik hougunguk laga nasamba yub enyek sikenek lelenokaʾ aboka, unulumnesak.

Anasa wera, eimik era sondaʾ anasa nara nimi blebsinaʾ dubnya, nara ununumnaʾ lenya ulumna henemak nang era, nauba lanawoka, sikja dara, nimi hnon weboka dobsuk nim ek bobnenewoka sondaʾ lebnemeibyaʾ ak men aboka, yokaʾ-yokaʾ nauba beknaʾ eneba unuro yabalemnemak.

”Wera igin yakaʾ damok unubgogowanamlaʾ seleb dara, eimik era heng ara gunaʾ danamlakanya, walaʾ ara dilinaʾ yebnenggunumla. Dara onoʾ guraʾ nidyaʾ imik ara sokok sam malyingginiboka, imik sam migib ulumlaʾ nidyaʾ ara borom-borom henemla.