Tekang Kbuten 50の有名な聖句

シェア

Balù yóm tô kóyô ye hemsidek dou yóm kdaw tu okóm bè kun kehlan du Dwata hyu, anì là matay kdéen tau mowil nim kmoen ni.

Okóm yó balà Jusif kul, monen, “Hol bê ye abay hlikò. Là kô gbeku temgna ke Dwata.

Laen dù bang knikò ye du. Ou he fen tendo gel temdof kuy dini dalang se yó kem ngà ye.” Ominen yó he menek kegnóm le du yó kem twogu Jusif lemwót bè yóm udélen ebélê le yó.

wen tinoken béléem, yó udélen, monen, ‘Ó Jusif, béem bud snolò ne yóm tey sidek tehe nmò le béléem yó kem twoguhem.’ Ne ni udél me ebéléem, hol hnifótem mi bè yóm tey sidek deng nmò me béléem, mi kem tóbóng lówó Dwata yóm Dwata tehe maem.” Botong mkik Jusif bè yóm kungolen du yóm udél hwit le yó.

Yó mon Jusif bè yó kem dumuhen setwoli, “Ni móyóne matay lem blóng ye, okóm Dwata he mò semgyok kuy ne angat bud niten yu ebè yóm benwu deng tehe hol fasaden ke fù Abraham ne témê Isak ne mà tekuy Jakub snéen.”

Omin Jusif hsafà kul, monen, “Safà ye dou yóm hol bud kwit ye lówóhu ke deng bang Dwata bud mit kuy mulék ebè yóm benwu tu.”

Tahu se, matay Jusif bè yó bè Idyip ne bè yóm katayen deng lematu bud sfolò halayen. Hensù le bulung là bolok lówóhen, omin le tmenes du elem lungunen.