GALATIA 5の有名な聖句

シェア

Pala hasi Roh Allah eded̄u: meci ra ca'u, d̄ihi ade, taho ra ntai, saba, taho ade, kasi ade, patu ra to'a, mapu nggahi ra eli, ro taha ade. Wati wara hukum Taurat ma kanta lampa rawi-lampa rawi b̄une ede.

Ne'e b̄a nahu ndake: Co'opu Roh Allah mad̄ende ra wa'a nggomid̄oho ndad̄ina nggomid̄oho wati mori b̄atu rakane'e tabe'a manusia.

Roh Allah wa'ura mbeina d̄i ndaita mori ma b̄ou: B̄ara ndedena Sia rau pab̄uaku kuasakaina mori ndaita.

Dou-dou ma wa'ura ndad̄i ntau Ruma Isa Al Masih, dou-dou ede wa'ura hadena tabe'a manusiana lab̄o samenana nawasu ro ne'ena.

Ne'e tabe'a manusia tada d̄ei karawi-karawi ma sampu ra nggele, sampu, ro wati patuna; ade nembana berhala ro ilimu ma iha, ade musukai angi, ncao, wu'u, roci mbani, ro kapenti weki ndai, ncengga ra mbi'a ro kalompo-kalompo, ro hiana ade, kamawu weki, ndiha-ndiha ro makalai wali. D̄isamenana ede nahu mangoa ra kawara nggomid̄oho ake b̄une rangoa ra kawara b̄a nahu nggomid̄oho ntoi rauna, b̄ara dou-dou ma karawi lampa rawi b̄une ede wati d̄imandad̄i anggota ela Karaja'an Allah.

Nggomid̄oho wa'ura ou d̄imandad̄i dou ma hori weki. Pala aina horikai wekimu ede d̄i karawi ncau-ncaukaimu au rane'e karawi b̄a nggomid̄oho. Pala ndakeku, nggomid̄oho pab̄uapu cua meci ra ca'u angi ro cua karawi wea.

B̄ara ne'e manusia wati ncihi ncaona lab̄o ne'e Roh Allah, ro ne'e Roh Allah wati ncihi ncaona lab̄o ne'e manusia. D̄ua mbua ede cua sakontu angi, ndad̄ina nggomid̄oho wati loamu karawi au rakane'e b̄a nggomid̄oho.

Sara'a hukum Taurat wa'ura d̄iki d̄ei parenta ma sab̄ua ake, ”Pab̄uapu nggomid̄oho meci ra ca'umu d̄i sasamamu manusia b̄une nggomid̄oho meci ra ca'umu weki ndaimu.”

Ndai wati loata ndad̄i sombo, ro cua kapili ade angi, ro hiana adena d̄i sab̄ua lab̄o sab̄ua dou.

Ndaita ake wa'ura hori weki, b̄ara Al Masih wa'ura horina ndaita! B̄ara ndedena nenti kaciapu rahorikai wekimu, ro aina ngawa d̄i ka'ada wali.