GALATIA 2の有名な聖句

シェア

Ake laina nahu wali ma mori, pala Al Masih ma mori d̄ei weki nahu. Mori ake ra'iu b̄a nahu eded̄u mori b̄a imbi d̄i Ana Ruma Hatalla ma meci ra ca'u nahu ro ma wa'ura koroba weki-Na ru'u nahu.

Nahu wati wi'ikaiku mod̄ana anugera rambei b̄a Ruma Hatalla. Misamparakai salamakai loa d̄i rakakai to'a d̄i hukum Taurat, ndad̄i madena Al Masih wati wara onena.

Poda b̄atu rangganakai, nami eded̄u dou Yahudi ro laina ”dou laina Yahudi ma dosa.” Konena ndede nami mab̄ade b̄a one dou taho mbali lab̄o Ruma Hatalla b̄ara imbina d̄i Ruma Isa Al Masih, ro laina b̄ara kalampana hukum Taurat. Ndai nami rau imbi d̄i Ruma Isa Al Masih mpa, loakud̄u nami taho mbali lab̄o Ruma Hatalla kai ncai imbi nami ede, laina b̄ara nami kalampamu hukum Taurat. B̄ara kai kalampa hukum Taurat wati kone sab̄ua dou rau maloa taho mbali lab̄o Ruma Hatalla.