EFESUS 5の有名な聖句

シェア

Nggomid̄oho eded̄u ana-ana Ruma Hatalla d̄i meci ra ca'u-Na, b̄ara ndedena nggomid̄oho pab̄uapu usaha b̄atu rawi Ruma Hatalla. Morimu pab̄uapu kapoda kai ade b̄a meci ra ca'u, b̄une Al Masih rau mameci ra ca'u ndaita. Sia korobana sarumbu-Na ru'u ndaita, eded̄u sab̄ua d̄onggo ra mbei ma mengi ro makasana wea ade Ruma Hatalla.

B̄ara ndedena, tio kab̄ae katahopu, cara morimu. Aina mori b̄une dou-dou masampula; moripu b̄une dou-dou maloa timba ra lemba. Kani kataho podapu sanikina wakatu ma wara d̄i nggomid̄oho, b̄ara wakatu ake, eded̄u wakatu ma dab̄ae.

Aina nggomid̄oho mawu b̄a anggo, b̄ara ndedena naka'ihaku nggomid̄oho. Pala, pab̄uapu nggomid̄oho kuasakai b̄a Roh Allah. Kanipu nggahi ra eli rad̄i zabur, rawa roi ra wadi, ro rawa roi ra wadi Ruma, d̄ei nuntu ra nggahimu. Pab̄uapu nggomid̄oho kai d̄ihi ade rawamu roi ra wadi ru'u Ruma. Renta ncau-ncaupu syuku d̄i Ruma Hatalla Ama ndaita kai ngara Isa Al Masih Ruma ndaita mab̄oha au-au rau.

Aina sampula, pala tio kab̄aepu au rakane'e b̄a Ruma.

Rahi, meci ra ca'upu weimu, sama b̄une Al Masih mameci ra ca'u ela-Na ro korobana sarumbu-Na ru'u ela-Na ede.

Ndai nggomid̄oho ntoina wara d̄i ade marindi ncaki. Ake nggomid̄oho mawa'ura ndad̄i ela Ruma, ndad̄i nggomid̄oho wa'ura wara d̄i ade taroakaina. B̄ara ndedena nggomid̄oho pab̄uapu mori d̄i ade taroakaina.

D̄i lia ra horoma kai Al Masih, pab̄uapu nggomid̄oho b̄atu nggahi angi sab̄ua lab̄o sab̄ua dou.

Wei, b̄atupu nggahi rahimu, b̄une d̄i Ruma.

Pala ayat ede wara ndapo angi rauna lab̄o nggomid̄oho: Pab̄uaku sanikina rahi meci ra ca'u weina b̄une sia meci ra ca'una weki ndaina, ro pab̄uaku sanikina wei usaha ru'u lia ra horomakaina rahina.

Ade Alkitab ratunti, ”B̄ara ndedena dou mone d̄imatu'u wi'i ina ra amana d̄i sab̄uakaina lab̄o weina, ro d̄uana ede d̄imandad̄i sab̄ua.”

Aina karawimu rawi-rawi ma wati wara one rakarawi b̄a dou-dou ma mori d̄ei marindi ncaki. Pala, pab̄uapu nggomid̄oho rojomu dou-dou makarawi lampa rawi-lampa rawi b̄une ede. (