Jɛ́nɛ́sì 39の有名な聖句

シェア

ɖɛ séín Jòsé kpa sɔ̃ún wɛ̃ɛ wóɖó ma gbɔ̀ɖɔ̀, sepóɛɖé Bounɓoɔ̀ nì ma ɓó ɔ gbo jè. Ké ɔ cĩ́ ma ɖé ɔ gbo-nì-ɓǎ mɔ̀à Íjè-nyɔ̀ɔ̀ kɛɛ ɓíɖí-taún.

Ɔ jèɛɛ, ɔ kɔ̃̀ɔ̀-ɖɛ̀ séín ɓěɔ̀ nì ma Jòsé xwa, ké ɔ dyéɖé se ma ɔ kɔ̃̀ɔ̀-ɖɛ̀ séín ɓěɔ̀ ɖò gbo nì, ɔ sèìn ɖii-ɖɛ̀ ɓɛ́ ɔ ɖiɛɛ ɖòùn. Jòsé mɔ̀ ma dyíin-nɔ̀mɔ̀-nyɔ̀.

Púɛɛ, kpɔɖɔ-ɖeín-kpá-nyɔ̀ ɓěɔ̀ dyí-gmɔ̀-nyɔ̀ɔ̀ nyu ma Jòsé kpɔɖɔ-ɖeín-kpá-nyɔ̀ séín ɓěɔ̀ wuɖuí-kɔ̃̀-nyɔ̀ mú. Ké ɔ mɔ̀ ma ɖɛ séín wa nyu ɖé kpɔɖɔ-ɖeín-kpáìn-naínɔ̀ kɛɛ wuɖu-kɔ̃-zà-nyɔ̀, hwɛ̀ ké wa nyuɛ.

Ɔ jèɛɛ, ɔ kpɔ̃ ma Jòsé, ké ɔ po ma ɔ kpɔɖɔ ɖeín ɖé dɛ̀ ɓɛ́ wa po kã́áɔ̀ nììn kpɔɖɔ-ɖeín-kpá-nyɔ̀ ɓěɛ. Kɛɛ ti ɓɛ́ ɔ nì ma ɖé kpɔɖɔ ɖeín nyɛɛ, Bounɓoɔ̀ nì ma ɓó ɔ gbo, ké ɔ po ma ɔ mana kɔ̃, ké ɔ nyuɛ ké kpɔɖɔ-ɖeín-kpá-nyɔ̀ ɓěɔ̀ dyí-gmɔ̀-nyɔ̀ɔ̀ hwòɖǒ dèìn ma ɔ múin.

Ti ɓɛ́ ti wè ɖǎ ma ziɛɛ, púɛɛ, Jòséɛ̀ gbo-nì-ɓǎà gmààɔ̀ dyéɖé nì ma ɔ dya, ké ɔ ɖá, “Ní mɔ́ m̀ ní.” Kɛɛ Jòsé nɔ́ɔ̀ ma, ké ɔ ɖá, “Dyéɛ kà ní gbo-nì-ɓǎɔ̀ ɖǎ ɔ kɔ̃̀ɔ̀-ɖɛ̀ séín ḿ xwaún dyi poɛ. Ɔ dyéɖé se ɖɛ séín ɓě ɔ ɓéɖéà nɔ̄ ɔ ɓíɖí-taàɛ̀ múɛɛ ɖò jè gbo nì. Nyɔ ɖò se kpé ɓéɖé nɔ̄ taà nìà kɛ mú, ɓɛ́ ɔ ké ḿ dyɛ̀ìn. Ké ní gbo-nì-ɓǎɔ̀ se ḿ ɖɛ ɖò dyí pũ, ɔ sèìn m̀ ɖòùn, sepóɛɖé m̀ mɔ̀ ɔ gmàà jè. Ɔ nìà náa, nìí, xwɛ̌ ḿ ɓɛ́ìn hwòɖǒ-kɔ̃in-nyìnììn-ɖɛ̀ nì kà kɛɛ nyuɛ, ɓɛ́ ḿ ké Gèɖèpɔ́ɔ̀ nàmàǔn bũ̌ nyu kɛ́?”

Wé ɖòɛ̀ ɓaɖaa, ti Jòsé mu ma ɖé gbǒɔ̀ mú, ɓɛ́ ɔ ké ma ɔ kũ̀àɔ̀ nyuɛɛ, gbo-nì-gàà ɓěɔ̀ ɖò se ma ɖé gbǒɔ̀ mú nì. Púɛɛ, màaɔ̀ kpɔ̃ ma Jòséɛ̀ wáɖá-ɖɔ̀ nì ma ɔ múɛ, ké ɔ ɖá, “Dyi, ɓɛ́ à ké ɓó da nì.” Kɛɛ Jòsé sè ma ɔ wáɖá-ɖɔ̀ɔ̀ xwaún, ké ɔ gbǔ ma, ké ɔ sɔ̀ gbǒɔ̀ mú.