Jɛ́nɛ́sì 22の有名な聖句

シェア

Ké Ééɓòɖòhɛ̃́ɛ̀ ɖáìn ma páɔ̀, “Bounɓoɔ̀ muɛ tòùn.” Ɔ jèɛɛ, wa nìɛ̀ cɛ̃iń ke ɓó zɛ̃̌ɛ̀, ké wa ɖá, “Ɖé Bounɓoɔ̀ toɖoɔ̀ dyaa, ɖéɛ̀ ɔ muɛ tòìn.”

Ké Gèɖèpɔ́ɔ̀ ɖá, “Ɖú nì dyúɔ̀ dyí, nì dyú-kpò dyúáɖò mɔ̀à Áázè ɓɛ́ m̀ ɖɛ̀ɓɛ̀à múɛ, ɓɛ́ m̀ ké ɖé Mɔ̀wíɖíà-ɓòɖòɔ̀ kɔ̃ mu, ɓɛ́ m̀ ké ɔ sáa zàìn dyììn ɖé ɔ fɔ̃-fɔ̃ mú ɖé toɖo ɖò dya. Ní mu m̀ toɖoɔ̀ da zàìn.”

Ké ɔ ɖá, “Mɔ̀ǔn ɖá ɓɛ́ m̀ ké gàa-dyùɔ̀ sɔ̃ dya po. Mɔ̀ǔn ɖá ɓɛ́ m̀ ké ɔ ɖɛ gbà ɖò bũ̌ nyu. Ɓó kàǔn wɛ̃ɛ, ḿ ɖǎa dyé kà m̀ fɛ̃̀ìn ḿ dyi kɛ, sepóɛɖé m̀ se nì dyú-kpò dyúáɖòɔ̀ ḿ ɓùɖùìn.”

Ké Ééɓòɖòhɛ̃́ɛ̀ jǔ ma ɔ gɔ̃̌, ké ɔ ɖá, “Ní dyú, Gèɖèpɔ́ɔ̀ mìɔùn mu ɓáɖáá-dyùɔ̀ tòùn ɓó sáa-zàìn-ɖɛ̀ɔ̀ jè.” Ké wa sɔ̃́ɔ̀ mu ma.

kà ní mu m̀ mana kɔ̃ poùn jǎà kɛ. Ní mu nì xwíníín-dyù nyuùn, ɓɛ́ wa ké dyí vò kà dɛ̀nɛ̀ mɛ́nɛ́ɛ́ ɓě nìà ɖé dyɔɔ̀ dyíɛ kè kà pĩ́ɔ nìà dyóóɔ̀ wĩin nyɛɛ jĩ̀à kɛ. Ké nì xwíníín-dyù mu waà mú-nyɛ́-nyɔ̀ ɓěɔ̀ hwɔɖɔ ɓě wuɖuí kɔ̃̀ùn. Ké dyììn ɖé nì xwíníín-dyù ɓěɔ̀ múɛɛ, ɖéɛ̀ ɓóɖó-dù séín nì ɓóɖó-kpàɔ̀ kɔ̃ɛɛ mu jĩ́á-jè dyéìn. Nì mu jĩ́á-jè séín ɓěɛ̀ dyéìn, sepóɛɖé m̀ ɖǎ ní wuɖuɔ̀ nyu jè.”

Sɔ̀ìn ɓó ɖɛ ɓěa gboɛɛ, wé ɖòɛ̀ ɓaɖaa, Gèɖèpɔ́ɔ̀ dɔ̃̌ ma Ééɓòɖòhɛ̃́ɛ̀ mú. Ɔ ɖá ma Ééɓòɖòhɛ̃́ɛ̀, ké ɔ ɖá, “Ééɓòɖòhɛ̃́ɛ̀!” Ké Ééɓòɖòhɛ̃́ɛ̀ ɖá, “Dyòo.”

Kɛɛ Bounɓoɔ̀ zɛ̃̀ìn ma ínjà ɖò mú, ké ɔ ɖá ma ɔ sɔ̀ìn ɖé dyɔún, ké ɔ ɖá, “Ééɓòɖòhɛ̃́ɛ̀, Ééɓòɖòhɛ̃́ɛ̀!” Ké Ééɓòɖòhɛ̃́ɛ̀ ɖá, “Dyòo.”

Hwɛ̀ ké ínjà mɔ̀à Bounɓoɔ̀ kɛɛ ɖá ma Ééɓòɖòhɛ̃́ɛ̀ sɔ̀ìn ɖé dyɔún ɖe, ké ɔ ɖá, “Sepóɛɖé m̀ se nì dyú-kpò dyúáɖòɔ̀ ḿ ɓùɖùìn jèɛɛ, mɔ̄ mɔ̀à Bounɓoɔ̀ kɛɛ, ḿ gboò ní kpéɔ̀ dyí

Ti ɓɛ́ wa ɖǎ ma pá kɔ̃̀ jè Gèɖèpɔ́ɔ̀ cɛ̃ ma kà Ééɓòɖòhɛ̃́ɛ̀ gboɛɛ mú nyiniɛɛ, Ééɓòɖòhɛ̃́ɛ̀ po ma ɓó sáa-kɔ̃-zàìn-gbàà ɖò, ké ɔ kɔìn ma nyɛɔ̀ dyí ɓóɛ kɔ̃, kɛɛ ɔ seɛ ma dyí kpɔ̃̀ìn. Púɛɛ, ɔ sã ma ɔ dyú Áázè, ké ɔ pɛ̃́ìn ma ɔ sáa-kɔ̃-zàìn-gbààɔ̀ kɔ̃ dyi ɓó nyɛɔ̀ kɔ̃.