Luka 24の有名な聖句

シェア

Kinawuveleeliherani nyu ikhuluvelihilyaya Apaapa; nkhale wasittatti vaava, mpaka wanhalenyu uvahiya ikuru cookhuma wirimu.

Uyo khaawo va, honwelela. Muupuweleke coohimenryaweni ukati warinyu uKalileya

Vaavale, wahaasa wiitho ni yahoncuwelela, nanso ule ahorimyarimya. Vano yaheerelana ayaayoru: Khawaaniviha nrima ukati waanuulumanawe mphironi anitaphulelaka cowantikhiya cittakattifu?

Vano Yesu aheerelaca: Commo ihantikhiya wiira Kristu aalamuliya uhuva venci ni ukhwa, ni wunwelela mwa atthu ookhwa nihuku noneeraru, ni mwa ncina nawe ulalennye nhupi woorukunusa nrima wiira itampi cileveleliye mwiilaponi mothene, upacera uYerusalemu.

Yahophwanyaca nluku naattheeliye nkhora wo mahiye ale ninatamihinye; nanso ukelaca waya mmahiye mmwe khayaaphwanyacile nrutthu wa Apwiya Yesu.