“ ‘Timi hipaqo lau wu no pilo,
“Nongu ye chilu anani ikemu khilemu vethamla nani;
nongu ye ithulu anani ikemu khilemu vethalu keu shimo nani.”
Kughengu timi hipaqo mulo ye mükamüghaivae;
panongu ye panongu kìní lono akushukulu chilu cheni,
eno panongu ye panongu nhethi miyiluvae.
Tishimo aye panongu nhethi no ithuluni che,
panongu kìní no chiluni che,
panongu mulo lono vethalu no
xaideni che, eno ino panongu shipivi tsüní cheke.’