Luk 6の有名な聖句

シェア

Ịngaani ghan bụnon, Ẹnaan kịngaani ghan ni inyina, kụ kọto ghan ni, oviil, opighemi, kụ ẹmaar emuza ẹbeleghian ẹtoom mọ nyina kẹboor bọ. Ịpe nyina edi bọ ẹngo bụnon kụ ịdi Ẹnaan kedi ni ịngo aani inyina.”

Ogey oye rạkaaph ghan igey ạraraar sịphe aḍita igey ạraraar phọ dị aakpomoghi bọ sịphe ologhi phọ ọdi kụ kamitiom, kụ ọkaraph oye rạkaaph ghan ịkaraph ạraraar phọ dị aakpomoghi bọ sịphe ologhi phọ ọdi kụ kamitiom. Ịpe edi bọ ologhi oye phọ kụ ẹdi oye phọ rạkaaph ghan kamitiom.

Ịpomoghian ghụn bụmulogh-ḍien anyina eḍighi ghan bịdi iiḅi. Iteneghi ghan ịimugh bịn képuru ghan mọ ọḅile ịkpeeghi inyina. Ịduon kụ ẹdi nyina kẹmoogh iboom aruunmo. Nyina kụ keḍighi nmụny Egbogh Ẹnaan phọ. Ọdi ạnighe ni esi ạbuphe rólegheri ghan bọ iiḅi lọ oḍighi bịdi rꞌabuḍighinom ịkaraph.

Ịnma ghan ighirigiir ịdipho Ọde phọ anyina rạnma ghan bọ ighirigiir phọ.

“Nyina íigboonaan ịiruen bụnon, Ẹnaan inyina ịiruen kíigboonaan. Nyina ị́ḍagha bụnon, Ẹnaan inyina kị́ḍagha. Ịsar ghan ẹwilenaan bụnon, Ẹnaan kẹsar ghan ni ịwilenaan inyina.

“Kụ mị rịḅeni ghan inyina phọ rịnaghan bọ ịmi mọ ịpomoghian bụmulogh-ḍien anyina, eḍighi igey ẹngo bụphe ịlogh bọ inyina ḍien phọ. Ịngo ooḅi ọghor bụphe isuughi bọ inyina ịnhu phọ, ẹeḅereghi ẹngo bụphe ịmiine bọ inyina.

Tụugh ịlo oḍighi nyịna kụ kẹnighe kụ aḍighi ghan bụnon awe.

Oye lọ aḅor nyoniin okpo ạna, ḅịle ni ạngo nyọori phọ dị ạḅile aḅor. Oye lọ ạsighe ạsuoma ạna, kámirighan ukpe lọ nạ ramuuna ghan ologhi. Ngọ ghan ni ịyaar lọ oye ạlom nyịna. Oye lọ ạsighe ịyaar ạna, kápuru mọ ọdi aḅulemi.

“Ogey oreeny dị ramuum ghan ịkaraph iimuma ólho, ọkaraph oreeny dị ramuum ghan igey iimuma ólho.

Oreeny oreeny rolegheriom ghan iimuma phọ ọdi. Oḍebe rámuum ghan rughuuny uman, ọoka rámuum ghan rughuuny oogiri.