Kụ Ạnanayas ạḍua ạghi aḍigh otu phọ, kụ rọḅam rạghaagh ẹmhu ọdi, kụ ạḅem mọ, “Sọl, umor ạmi! ẠJizos Ọmoogh-we phọ, ọpo amitenaan bọ nyịna egaan ẹpe eten phọ, mem mọ nạ ratu bọ ẹphen, kụ urom ịmi mọ mị utu ọbo nạ ạḅile ạmiin eten, ḅịle kẹn Uwaloor Iigbia phọ amuza loor ạna.” Kụ egina amem bịn ạraraar dị ẹghigh ipholopol ina ẹḍua riḍien phọ ọdi emeleghu, kụ ạḅile ạmiin eten, kụ aḅetenu kụ owur nyọdi mụum.