Чыслы 14の有名な聖句

シェア

екх, соб (кай) проти Растэ-Дэвлэ́стэ тумэ́ тэ на ґаздэ́нпэ, и на дарэ́н адалэ́-пхувья́кирэ манушэ́ндыр; пал-дова́ со ёнэ доячэнапэ амэ́нгэ пэ хабэ́н, тэ затэрдён пал лэ́ндэ нанэ конэ́скэ; а амэ́нца исын Рай Дэвэ́л, на дарэ́н лэ́ндыр.”

“О Рай Дэвэ́л ґара́ (длу́гэс) ужакирэ́ла и Ёв исын бутэ́-тангипнаскиро, Саво́ отмэкэ́ла грэ́хи и чорипэ́н, и Ёв на ячкирэ́ла би отпхэныбнаскиро, нэ Ёв чхувэ́ла ка́ра пал дадэ́нгиро чорипэ́н пэ чхавэ́ндэ кэ три́то и шта́рто ро́до.

ко́ли Рай Дэвэ́л исын лачхо́ кэ амэ, тэды мэк тэ лыджа́л Ёв амэн пэ дая́ пхув и дэ́ла амэ́нгэ ла – дая́ пхув, дрэ сави́ тхадэ́ла тхуд и авги́н (мэда)

Нэ Мирэ́ писхари́с Халевос, пал-дова́ со дрэ лэ́стэ сыс яви́р ду́хо (фа́но), и ёв дрэ саро́ кандыя́ Ман, залыджава пэ пхув, пэ сави́ ёв псирдя́, и лэ́скиро семё явэ́ла хула́са пэ ла́тэ

Пхэн лэ́нгэ: “Мэ джива́ва, – ракирэ́ла Рай Дэвэ́л: –, сыр тумэ́ ракирдэ́ дро саро́ шуныбэ́н Ма́нгэ, адя́кэ и Мэ кэра́ва тумэ́нгэ

И пхэндя́ Рай Дэвэ́л Мойза́скэ: “Кицы́ явэ́на тэ холякирэн Ман адалэ́ мануша́? И кицы́ явэ́на ёнэ тэ на патя́н Ма́нгэ пир сарэ́ знаме́нии (ґертыка́), савэ́ Мэ кэрдём машки́р лэ́ндэ?

и ракирдэ́ ёнэ холя́са пэ Мойзастэ и Аароностэ сарэ́ Израилёскирэ чхавэ́; и саро́ скэдыибэ́н пхэндя́ лэ́нгэ: “О, ко́ли амэ мэрасас пэ Египто́скири пхув, ци ко́ли мэрасас амэ пэ дая́ чхучи́ пхув!

И Ису́со (Ёхошуа́), Навиноскиро чхаво́, и Халево, Ефонияскиро чхаво́, савэ́ обдыкхэнас пхув, роскушнэ пэ́скирэ урибэна́, и пхэндлэ́ сарэ́ Израилёскирэ-чхавэ́нгирэ скэдыибнаскэ: “Пхув, сави́ амэ псирдям тэ дыкхас, исын древа́н лачхи́

нэ Мэ сом джидо́, и Мири́ Ра́скирэ-Дэвлэ́скири сла́ва исын пхэрды́ пир сари́ пхув: сарэ́, савэ́ дыкхнэ́ Мири́ сла́ва и Мирэ́ знаме́нии (ґертыка́), савэ́ Мэ кэрдём дро Еги́пто и пэ чхучи́ пхув, и спробинэнас Ман дэш мо́лы, и на шундлэ́ Мири́ зан, и ёнэ на явэ́на тэ дыкхэ́н пхув, сави́ Мэ совлахаса пхэндём тэ дав лэ́нгирэ дадэ́нгэ; сарэ́, кон холякирдя Ман, на дыкхэ́на ла.