Апостолэнгири Буты́ 5の有名な聖句

シェア

Нэ Пэ́три и Апо́столы отпхэндлэ́: “Амэ сам бангэ́ (мусинаса) тэ кандас Дэвлэ́с, а на манушэ́н.

И со дывэ́с дрэ Кхангири́ и пир кхэра́, ёнэ на мэкэнас тэ сыклякирэ́н и тэ роспхэнэ́н бахтало́ лав пал Исусо́стэ Христосо́стэ.

Нэ Пэ́три пхэндя́: “Анание! Ваш со ту домэкцян налачхэ́с тэ хулаинэ́л, со ту хохадян Свэнтонэ́ Духоскэ и ґарадян пэ́скэ паш ловэ́, савэ́ ту дорэсцян пал бикиндлы пхув? Ци на сыс пхув кэ дова́ часо, сыр ту ла бикиндян, тыри́, и ловэ́, савэ́ ту лыян пал ла́тэ, ци на адя́кэ-паць сыс тырэ́, сыр жа ту ги́ян пэ дасаво рэ́ндо? Ту хохадян на манушэ́нгэ, а Дэвлэ́скэ!” Ананиё, сыр шундя́ далэ́ лава́, пыя́ муло́; и бари дар лыя́ сарэ́н манушэ́н, савэ́ сыс одо́й и шундлэ́ дава́.

А какана́ мэ ракира́ва тумэ́нгэ: отячэн адалэ́ манушэ́ндыр и мэкэ́н лэн; ко́ли далэ́ ду́мы и буты́ манушэ́ндыр, то дава́ саро́ хасёла; а ко́ли Дэвлэ́стыр, тэды тумэ́ на дэ́на ра́да тэ пиризорьякирэн лэн; ракхэ́нпэ, соб (кай) и тумэ́ тэ на тэрдён марибна́са проти Дэвлэ́стэ.”