1 Коринфянэнгэ 5の有名な聖句

シェア

Нэ какана́ мэ чхиндём тумэ́нгэ тэ на кэрэ́н нисо́ кхэтанэ́ одолэ́ манушэ́са, саво́ кхарэ́лапэ пшалэса, а кокоро́ дурэды́р дживэ́ла джувле́нца би сэвлакиро, ци ячэ́лапэ сквамнымариса, ци идолэ-мангипнаскирэса, ци кошыбнариса, ци матымариса, ци прахариса; кадасавэса и тэ на бэшэ́н тэ хан кхэтанэ́.

Палдава́ выжужакирэн пхуранэ́-грэхоскири рошчына, соб (кай) тумэ́ тэ явэ́н нэвонэ́ хумэрэса, пал-дова́ со тумэ́ ж сан жужо́ хумэр, би рошчынакиро, пал-дова́ со амаро́ Христо́со, Патрадитко Бакроро́, сыс мулякирдо сыр свэ́нто дыибэ́н пал амэ́ндэ.

Со ж ма́нгэ тэ сэндинав (тэ сэндякирав) одолэ́н, савэ́ нанэ кхангирья́тыр? Ци на трэй тумэ́нгэ тэ сэндинэ́н, савэ́ исын кхангирья́тыр? Нэ одолэ́н, савэ́ исын на кхангирья́тыр, Дэвэ́л сэндякирэ́ла! Палдава́ традэ́н криг тумарэ́ кхангирья́кирэ скэдыибна́стыр дошалэ манушэ́с.