2 Corintios 6の有名な聖句

シェア

Yeꞌ koꞌxh ebꞌana aas sekꞌul etibꞌ tuchꞌ qꞌuꞌl yeꞌ niniman u Tioxh. Tan nachtaj bꞌaꞌnil etileꞌ. ¿Satz veeti siꞌan maꞌl iatz u aanima vaꞌl niꞌan vijikomal tuchꞌ u aanima vaꞌl yeꞌ niꞌaneꞌ? Utz ¿satz veeti siꞌan maꞌl iatz u txijtxubꞌal tuchꞌ u uken?

Utz yeꞌk siꞌaneꞌ aas maꞌl iatz u totzotz u Tioxh tuchꞌ u totzotz qꞌu bꞌanich tioxh. Tan aatz ex, ex tatibꞌal u itzꞌlich Tioxh. Tan alel taqꞌo ech tzaꞌ: —Saꞌatinin kꞌatza utz, aꞌ sapaalkꞌin tixoꞌl. In iTioxh utz, aꞌ vuntenam.— Chia.

Echixeꞌat nital u kuBꞌaal ech tzaꞌ majte: —Xaanojelex tixoꞌl. Elojex. Yekanoꞌk qꞌu yeꞌxtxojla chaj kam tziꞌ, ech sunkꞌulex. Ech nojchit in eTat siꞌaneꞌ utz, ex unkꞌaol unmeꞌal siꞌaneꞌ.— Chu u kuBꞌaal u Mam Tioxh.

Tan echaꞌ u Cristo, yitꞌ bꞌaꞌn koj tuchꞌ u txꞌiꞌliꞌinaj. Utz echat koꞌxh u niman tetz u Jesuus, yitꞌ saꞌkojiꞌaneꞌ siꞌan maꞌl iatz tuchꞌ vaꞌl yeꞌ niniman.