1
Ngurrununggaḻ bilidjirri 1:26-27
Djinang
Girr nyani wangini, “Yulban ngilimi lim ngamangamadjigi mir ngilimibipm, ga nyani yul djina ngurrḏawalangudjidji guyipilingirgi waykiṉingirgi maypalpilingirgi ga bukmakigi walinyirakiṉingirgi.” Marrga yul nyani Goddji ngamangamadjili mir nyanibipm, mir nyani ngamangamadjili yulnginyi marri djayaḻ mir miligidjinginyi, gumbirr ngaṉgigiṉing ga gumbirr gaṉigiṉing biliny djamadjili.
比較
Ngurrununggaḻ bilidjirri 1:26-27で検索
2
Ngurrununggaḻ bilidjirri 1:28
Nyani bumir yilimbirring bilingga wanginiban, “Mala nyim pung kiri nyim galbidji kiri ga barrkirrdjidji wurpili wurpili djawalili. Bukmak mala djiny nyim djanadjanadjigi, mir maypalpilingirgi munatjabi ga waykiṉingirgi ṉampi ga guyipilingirgi gapibi djina nyim ngurrḏawalangudjidji.”
Ngurrununggaḻ bilidjirri 1:28で検索
3
Ngurrununggaḻ bilidjirri 1:1
Ngurrununggaḻ bilidjirri, bilapilakiṉing Goddji ngurr yirrpini ngamangamadjili gurrbi ngirki ga bukmak ṉami.
Ngurrununggaḻ bilidjirri 1:1で検索
4
Ngurrununggaḻ bilidjirri 1:2
Ngunukiṉing wirrpmban miri gumbaḻa gurrbi ngirki, ga gar malirdji ngagirrdjini gapi djalkng ga ngunungiri Godngiri waṯi galminyi gapimirrpm.
Ngurrununggaḻ bilidjirri 1:2で検索
5
Ngurrununggaḻ bilidjirri 1:3
Nyani God yan kungiliban, “Baḏayaladjirriban!” Girri baḏayala birraldjiniban, miri gar kambarrdjini.
Ngurrununggaḻ bilidjirri 1:3で検索
6
Ngurrununggaḻ bilidjirri 1:31
Nyani nyangiṉiban ngunung miri ngamangamadjili djina, girri marrkapdjiliban mirrpmban. Mir bindjini balnggidjini ga milwartjini, gumbirr wurpingirpm ga nyani wurpm yakirri inydji malimdjiliban.
Ngurrununggaḻ bilidjirri 1:31で検索
7
Ngurrununggaḻ bilidjirri 1:4
Maṉngibirri nyani nyangiṉi miri ngunung buṯalban. Ga maṉngibirri ga gar malir nyani biliny maltjiliban, nyani rarrmaḻi nyani rarrmaḻi.
Ngurrununggaḻ bilidjirri 1:4で検索
8
Ngurrununggaḻ bilidjirri 1:29
Girri nyani wangini yiligima, “Mir nyim nyawi, Ngarri nyirr kumban bubalikiṉing wali ngambuḻgiṉing ga bubalikiṉing djunggi djalwaligiṉing gatjinmi, nguṉitjini mala dja'djarri mala djalwaligiṉing nyim ḏirradjigi.
Ngurrununggaḻ bilidjirri 1:29で検索
9
Ngurrununggaḻ bilidjirri 1:5
Nyani Goddji biliny bultjidjini Maṉngibirri ga Malir. Mir bindjiniban balnggidjini ga milwartjini, yuwirdjakiṉim wurpm yakirri.
Ngurrununggaḻ bilidjirri 1:5で検索
10
Ngurrununggaḻ bilidjirri 1:6
Manymak, nyani wanginiban, “Gapi irr rindigiban, mir rarrmaḻipm bil djirridji, wurpm irr biḻibiḻigilidjigi nguymirri ga wurpitji gilitjiligi ṉammirri, marrga baṉim irr djamadjigi miraḻ garrkuḻuk.”
Ngurrununggaḻ bilidjirri 1:6で検索
11
Ngurrununggaḻ bilidjirri 1:30
Ga maypalpilingirgi munatjabi waykiṉingirgi ga bukmak walinyirakiṉingirgi mala djiny irr gung yurryarr wali.” Mir bilapilang wurpi wurpi walipili nyani yirrpiniban djina, yulgi ga maypalgi.
Ngurrununggaḻ bilidjirri 1:30で検索
12
Ngurrununggaḻ bilidjirri 1:14
Manymak, nyani God wanginiban, “Waḻirr, rangu, ga kaṯa irr ngamangamadjigi ṉam irr yirrpigi, marrga djani miḻmiḻdjigi nguḻi, ga djin yingarraydjigi wurpi wurpi bilidjirri, miri yakirri bilidjirri ga rarranydjarr bilidjirri, bilapilang.
Ngurrununggaḻ bilidjirri 1:14で検索
13
Ngurrununggaḻ bilidjirri 1:11
Girr nyani yan kungili “Lidji djurriguw kiruwban mir miṉitjigiṉing mala, bubalikiṉing djalwaligiṉing mala galinmi miṉitji ṉambiḏi walimirri, djurriguwban.” Mir nyani bindjini, girri wali birraldjiniban.
Ngurrununggaḻ bilidjirri 1:11で検索
14
Ngurrununggaḻ bilidjirri 1:7
Mir nyani bindjin, girr gapi inydji rindingiliban. Ga Goddji biliny garrwurdjili gapi rarrmaḻi rarrmaḻipm, mir wurpmi rarrmaḻipm djarrinyi djiḻi gurrbi munganmirri, ga wurpi ṉammirri djarrinyi rarrmaḻipm, ga baṉimi miraḻ garrkuḻuk dja'djarrinyban.
Ngurrununggaḻ bilidjirri 1:7で検索
15
Ngurrununggaḻ bilidjirri 1:12
Munatjangir djin djurrginy kirinyban wurpi wurpi mala miri yurryarr, gurrtji, ga wali mala bubalikiṉing nyim nyim kunyirri miṉitjigiṉing mala ga bubalikiṉing djunggi djalwaligiṉing. Nyani nyangiṉiban mir bukmak buṯaldjiniban.
Ngurrununggaḻ bilidjirri 1:12で検索
16
Ngurrununggaḻ bilidjirri 1:16-17
Ga ngunupili baḏayala mirrpili, miri ngunung bingili wana mirrpili, nyani biliny ngamangamadjili waḻirr ga rangu. Mir maṉngibirri bilidjirri ngunukuma waḻirr miri bunggawa nyani djirridji giri waḻirr gurrpigi, ga ngunukuma rangu bintji giri ngurrguma malir gurrpigi. Ga ngunukiṉing bilidjirri Goddji djamadjili gaṯa mala girri.
Ngurrununggaḻ bilidjirri 1:16-17で検索
17
Ngurrununggaḻ bilidjirri 1:9-10
Manymak, nyani wanginiban, “Ngunu gapi nguymirri irr rirrbigi yilitjigi wurpmbirrimili marrga gurrbi baṉḏany irr nyangi.” Mir bindjin, girri gurrbi baṉḏany birraldjiniban. Gurrbi baṉdany nyani bultjidjini Munatja, gapi djalkng nyani bultjidjini Wulan. Nyani milingili nyangiṉi, girri marrkapdjiliban.
Ngurrununggaḻ bilidjirri 1:9-10で検索
18
Ngurrununggaḻ bilidjirri 1:22
Girr nyani yabuḻu djina wangini, “Yuwirdjingpilinginyi lidji djamadjigi inydji lidji galbidji kiri, wulanmirrpm lidji garrwurdji kiri, ga ngilidji waykiṉing mala lidji galbidji kiri gurrbi munganmirri.”
Ngurrununggaḻ bilidjirri 1:22で検索
19
Ngurrununggaḻ bilidjirri 1:24
Manymak, nyani wanginiban, “Wurpi wanngi mala irr ngamangamadjigiban mir djin gukirridji giri gurrbi munganmirri, irr ngamangamadjigi wurpi wurpi mala maypal mala, mir buluki mala, walim girim mala, ga nyim ngunupilang mala.” Mir nyani bindjini, girri maypal mala djin birraldjiniban.
Ngurrununggaḻ bilidjirri 1:24で検索
20
Ngurrununggaḻ bilidjirri 1:20
Manymak, nyani wanginiban, “Galbi wanngi mala irr ngamangamadjigi, gapimirri djin nyinidji giri, ga waykiṉing mala irr ngamangamadjigi girri, djin ṉunydjirri giri ṉamṉammirrpm.” Mir nyani bindjini, girri gapibi mala ga waykiṉing mala djin birraldjiniban.
Ngurrununggaḻ bilidjirri 1:20で検索
21
Ngurrununggaḻ bilidjirri 1:25
Nyani ngamangamadjili wurpi wurpi maypal mala, ga bukmak wurpi wurpi mala walim girim mala. Mir nyani bindjini munatjabi mala ngamangamadjili. Ga nyani djiny nyangiṉiban, ga djina marrkapdjiliban.
Ngurrununggaḻ bilidjirri 1:25で検索
YouVersionはCookieを使用してユーザエクスペリエンスをカスタマイズします。当ウェブサイトを使用することにより、利用者はプライバシーポリシーに記載されているCookieの使用に同意するものとします。
ホーム
聖書
読書プラン
ビデオ