Римвийриз 1の有名な聖句

シェア

Заз Шад Хабардикай регъуь туш, вучиз лагьайтӀа ам имандал атай гьар сад патал, эвелни-эвел чувуд, ахпани муькуьди хилас хьун патал Аллагьдин къуват я.

Аллагьдин вилик чавай чун имандалди, анжах са имандалди, «Гьахъ-михьиди имандалди чан алаз жеда» кхьенвайвал, гьахъ-михьивилиз акъудиз жедайди Шад Хабарда ачух жезва.

Дуьнья халкь авурдалай инихъ Аллагьдин таквадай хесетар – Адан эбеди къуват ва Илагьи тӀебиат Ада халкьнавай затӀариз килигайла ачухдаказ кьатӀуз хьун мумкин я. Гьавиляй инсанриз гъил къахчун къвезвач

абуруз Аллагьдикай чизвайтӀани, абуру Адаз Аллагьдиз хьиз шукурар ва Адан тарифар авунач, амма абур герек авачир фикирар ийиз хьана, абурун акьул авачир рикӀер мичӀивиле гьатна.

И инсанри гьакъикъи Аллагь тапан кӀалубдалди эвезна, туькӀуьрнавай затӀуниз икрамиз ва къуллугъиз хьана, Халикьдиз ваъ. Адаз эбеди яз шукур хьурай. Амин.

Писвилелди гьакъикъатдиз кӀур гузвай инсанрин гьар са чалкечирвилел ва батӀулвилел цаварилай Аллагьдин хъел ахъа жезва.

Гьавиляй Аллагьди абур чпин айиб гьевесрин хура туна, нетижада абурун папари итимрихъ галаз жедай тӀебии алакъаяр тӀебии туширбуралди – сад садахъ галаз хьуналди эвезна. Гьа саягъда итимрини папарихъ галаз жедай тӀебии алакъаяр кьатӀ авуналди, сад садахъ галаз хьунин тӀебии тушир алакъаяр гьевесралди къизгъинариз хьана. Итимри итимрихъ галаз айиб крар ийизва ва абурай чпин бедендалди лайих жаза чпив агакьзава. Аллагь кьатӀун абуру герек авачир кар яз гьисабнаваз хьайила, Аллагьди абур чпин чӀур хьанвай акьулрин хура туна, а акьулди чӀуру крар авуниз рехъ гана.

Камал къалуриз кӀанз, абур ахмакь хьана, Мидаим Аллагьдин баркалла абуру мидаим тушир инсанриз, къушариз, кьуд кӀвач квай гьайванриз ва чурчулриз ухшар къаматралди дегишарна.