1-Петру 2の有名な聖句

シェア

Куьн лагьайтӀа, хкянавай тухум я, Пачагьдин хахамар я, пак халкь я, Аллагьдиз талукь, Адан чӀехи крарикай хабар гун патал хкянавай инсанар я. Ада квез мичӀивиляй Вичин аламатдин экуьниз эвернава.

Ада Вичин Беденда аваз чи гунагьар хашунал хкажна, чун гунагь патал кьенвайбур ва гьахъ-михьивал патал чан алайбур я лагьана. Адан хирералди куьн дири хъувуна. ГьикӀ лагьайтӀа куьн рехъ квахьнавай хипер хьиз авай, амма гила куьн куь Чубандихъ ва куь руьгьер Хуьзвайдахъ элкъуьрнава.

Квекай, виликдай халкь туширбурукай, гила Аллагьдин халкь хьанва. Виликдай куьн регьимдикай хкатнавай, гила лагьайтӀа, квез регьим авунва.

Гила куьне рикӀивайни Реббидихъ регьим авайди гьисснаваз хьайила, цӀийиз ханвай аялри хьиз, Руьгьдин михьи некӀедихъ яла, куьн, ам хъваз, чӀехи жедайвал ва хилас хьун патал чрадайвал ая.

КӀанибур, и дуьньяда къурабаярни сияпурар хьиз уьмуьр тухузвай квез за тагькимзава, куь руьгьдин аксина дяве тухузвай куь усал гьевесрин кьенерра гьатмир. Иман гвачирбурун юкьва жува жув хъсан тухуналди кьил хуьх. Куьн залумар яз къалуриз, квел буьгьтен вегьизвайбуруз куь хъсан крар аквадайвал ва Ам хкведай юкъуз абуру Аллагьдиз шукурар ийидайвал ая.

Иса Месигьдин куьмекдалди Аллагьдиз хуш руьгьдин къурбандар авун патал квекай пак хахамар жедайвал, къуй квекай, чан алай къванерикай хьиз, Руьгьдин ибадатхана эциграй.

Гьа икӀ, куьн гьар гьихьтин хьайитӀани писвилерикай, тапаррикай, кьве чин хьуникай, пехилвилерикай ва фитнейрикай азад хьухь.

Куьн Адан, яни инсанри инкарнавай, амма Аллагьди Вичиз багьа яз хкянавай чан алай Къванцин патав атайла

Куьне куь уьмуьр азад инсанри хьиз твах, анжах, килиг гьа, куь азадвал писвилиз къаюмвал ийизвайди тахьурай, амма Аллагьдин лукӀари хьиз уьмуьр твах.

Аллагьдиз кӀанзавайди куьне, хъсанвилер ийиз, ахмакь инсанрин авам ихтилатар акъвазарун я.