Mga Taga-Roma 12の有名な聖句

シェア

Ayaw kamo pagpahiuyon sa pamatasan niining panahona. Ipabag-o hinuon sa Dios ang inyong kaugalingon pinaagi sa pagbag-o sa inyong panghunahuna aron masayran ninyo ang kabubut-on sa Dios—unsay maayo, hingpit ug makapahimuot kaniya.

Busa, mga igsoon, tungod sa dakong kaluoy nga gipakita sa Dios kanato, hangyoon ko kamo sa pagtugyan sa inyong kaugalingon ngadto sa Dios ingon nga buhing halad, balaan ug makapahimuot kaniya. Mao kini ang matuod nga pagsimba nga angay ninyong ihalad.

Pagmaya kamo tungod sa inyong paglaom. Pagpailob kamo diha sa inyong mga kalisdanan ug pag-ampo kanunay.

Ayaw padaog sa daotan. Hinuon, dag-a ang daotan pinaagi sa maayo.

Paghigugmaay kamo pag-ayo ingon nga mga igsoon diha kang Cristo ug pagtinahoray kamo.

Pagmatinud-anon kamo sa inyong paghigugma. Likayi ang daotan ug hupti ang maayo.

Kutob sa mahimo, pagpakigdait sa tanang tawo.

Mga higala, ayaw kamo panimalos, kondili itugyan hinuon kini sa Dios. Kay nag-ingon ang Kasulatan, “Akoy manimalos, akoy mobayad, nag-ingon ang Ginoo.”

Ayaw kamo pagtapol; hinuon pagmadasigon kamo diha sa Espiritu ug alagari ang Ginoo.

Kay tungod sa grasya sa Dios nga gihatag kanako, sultihan ko kamong tanan: Ayaw isipa ang inyong kaugalingon nga labaw sa tinuod ninyong kahimtang. Hinuon, ligdonga ang inyong panghunahuna ug hukmi ang inyong kaugalingon sumala sa gidak-on sa pagtuo nga gihatag sa Dios kaninyo.

Kon buhatan kag daotan, ayaw baslig daotan. Buhata ang giila sa tanan nga maayo.

Angaya pagtagad ang tanang tawo. Ayaw kamo pagpagarbo kondili dawata ang ubos nga buluhaton. Ayaw kamo pagpakamaalam.

Hinuon, sumala sa giingon sa Kasulatan: “Kon gigutom ang imong kaaway, pakan-a siya; kon giuhaw, paimna; kay sa paghimo mo niini, maulaw siya sa iyang gibuhat kanimo.”

Pag-ampo kamo sa Dios nga panalanginan niya kadtong nagpasipala kaninyo—panalanginan niya ug dili tunglohon. Paglipay kamo uban sa naglipay ug hilak uban sa naghilak.

Pagpaambit kamo sa inyong isigkamagtutuo nga anaa sa kawad-on ug dawata sa inyong balay ang mga dumuduong.

Daghag mga bahin ang atong lawas ug ang matag bahin niini may kaugalingong buluhaton. Kita usab, bisan daghan, usa lamang ka lawas nga nahiusa diha kang Cristo ug nalambigit kita sa usag-usa ingon nga nagkalainlaing bahin sa usa ka lawas.