1 Mga Hari 19の有名な聖句

シェア

Human sa linog misunod ang kalayo apan ang GINOO wala diha sa kalayo. Apan human sa kalayo may hinay ug malumong tingog.

Apan siya mismo mipadayon ug balig usa ka adlaw nga panaw ngadto sa kamingawan ug miabot siya ug milingkod sa ilalom sa kahoy. Ug nangaliya siya sa GINOO nga mamatay na unta siya. Miingon siya, “Husto na, O GINOO. Maayo pag mamatay na lang ko!”

Ang GINOO miingon, “Lakaw ug tindog sa tumoy sa bukid atubangan kanako.” Unya miagi ang GINOO ug may kusog nga hangin nga mihapak sa kabukiran ug nangatipak ang mga bato apan ang GINOO wala diha sa hangin. Ug human sa hangin miabot ang linog apan ang GINOO wala diha sa linog.

Sa pagkabati ni Elias niini, gitabonan niya ang iyang nawong sa iyang bisti ug migawas siya ug mibarog sa agianan sa langub. Ug may tingog nga miingon kaniya, “Unsay gibuhat mo dinhi, Elias?”

Miabot siya sa usa ka langub ug mipuyo siya didto ug unya giingnan siya sa GINOO, “Unsay imong gibuhat dinhi, Elias?”

Busa mitindog siya, mikaon ug miinom ug nabaskog siya ug nakalahutay sa iyang panaw sulod sa 40 ka adlaw ngadto sa Sinai, ang bukid sa Dios.

Unya mihigda siya ug nakatulog ilalom sa maong kahoy. Unya may anghel nga mihikap kaniya ug miingon, “Bangon ug kaon.”

Ug mibalik ang anghel sa GINOO ug mihikap kaniya ug miingon, “Bangon ug kaon kay tingali unyag dili ka makaagwanta sa panaw.”

Siya miingon, “O GINOO, Dios nga Labing Gamhanan, ikaw ra gayod ang akong gialagaran apan ang katawhan sa Israel mibiya kanimo. Gigun-ob nila ang imong mga halaran ug gipamatay ang imong mga propeta ug ako na lamang gayod ang nahibilin ug gipangita nila ako aron patyon.”

Mitan-aw siya ug nakita niya dapit sa iyang ulohan ang usa ka pan ug usa ka tadyaw nga tubig. Mikaon siya ug miinom ug unya mihigda pag-usab.

Unya si Jezebel nagpadala ngadto kang Elias ug mensahe nga nag-ingon, “Patyon unta ako sa mga dios kon dili ko ikaw patyon sama sa gibuhat mo sa mga propeta.”

Apan magbilin akog 7,000 diha sa Israel nga wala magsimba kang Baal ug wala mohalok sa iyang larawan.”

Busa mibiya si Elias gikan didto ug nakita niya ang anak ni Safat nga si Eliseo nga nagdaro ginamit ang 12 ka parisan nga baka ug diha siya sa ika-12 nga paris. Miagi si Elias kaniya ug gisul-ob ni Elias ngadto kang Eliseo ang iyang kupo.

Ug mibalik siya ug gikuha niya ang mga baka ug giihaw ug giluto niya kini ug maoy iyang gisugnod ang mga yugo ug iyang gipakaon sa katawhan. Unya misunod siya kang Elias ingon nga katabang.

Gibiyaan niya ang mga baka ug migukod siya kang Elias ug miingon, “Pahaloka una ako sa akong amahan ug sa akong inahan ug unya mosunod ako kanimo.” Ug si Elias miingon kang Eliseo, “Lakaw kay wala ko ikaw did-i.”