Kini Pieke 50の有名な聖句

シェア

Ikana꞉ma꞉ta꞉ I̱ pa꞉ta꞉ hoke hau pimipate Koda꞉ma꞉ta꞉ koto paa topo pea epekeeki au lala꞉me. Kutupa mo koto hau pimi ekita꞉ mo ame pa do haleme wanda꞉hali paeyaona꞉ hao polu pelemeeki epeanoyeke pa꞉la꞉me.

Pate Diosepema꞉ mo hameke tonu pa꞉ta꞉ alota꞉ I̱ma꞉ta꞉ yaka kone mo Koda꞉ topo peaka꞉na꞉ I̱ hapeke na ya꞉la꞉me. Paala꞉ma꞉ na homa꞉pa꞉peke.

Ikana꞉ma꞉ paala꞉ma꞉ homa꞉pekeeki ma꞉nda꞉ dia꞉me. I̱ma꞉ta꞉ iki make ika꞉ wekiwandiki make handeteke hao halueke leekeme. Koto ekina꞉ mo tapakema꞉ ta꞉na꞉ma꞉ homena꞉ loluekema꞉ ipikana꞉ma꞉ta꞉ mo tapakena꞉ puki liake koto homupiki pi manuma꞉ epeayekeme.

neke pa꞉ta꞉ dupa lota꞉ piomono lea꞉me. Pilisio. Naka꞉ kame tonuma꞉ neke luekema꞉ pimi ata꞉ka꞉ peake hauta꞉ pa paeyaapeke lea꞉me. Koto ekina꞉ta꞉ pilisio. Ameta꞉ mo nikana꞉ma꞉ ata꞉ka꞉ peake hau puma꞉eki pa paeyawapeke. Mo hande naka꞉ apa꞉na꞉ Koda꞉na꞉ e pokaasoma꞉ tapakema꞉ poloma꞉ ekina꞉ loa꞉me lemekeme. Diosepema꞉ koto pi mu haota꞉ e̱ leekeme.

Ipikana꞉ma꞉ ipika꞉ hameketonu pa꞉ta꞉ alota꞉ I̱ta꞉ homolo poloeki teke pa꞉ta꞉ do ya꞉la꞉me. Pate Koda꞉ma꞉ta꞉ iki ota꞉ epeke tupa꞉ handeteke hao halieke. Kutupata꞉ mo hande ipikana꞉ma꞉ Eipoloha꞉ma꞉ make Aisa꞉ke make Dieikope ameda pa꞉ta꞉ Do kenke kulueke laa la꞉ wieke kenke pa꞉ta꞉ta꞉ ota꞉ iki hatuku pelieke laa leekeme.

Kutupa Diosepema꞉ ipika꞉ wanda꞉hali pa꞉ta꞉ta꞉ keke pi dupa lape laata꞉ honke leekeme. Ipikana꞉ma꞉ alota꞉ I̱ pa꞉ta꞉ pi la꞉ wipe laata꞉ Koda꞉ma꞉ iki koto kenke pa꞉ta꞉ hatuku pea꞉ka꞉na꞉ta꞉ kota꞉ yaka toko iki ame̱le̱ mandakena꞉ mea polumekee laa la꞉ wipee leekeme.

Kota꞉ Diosepeta꞉ 110 bapina꞉ Idiepi kenke pa꞉ta꞉ homeekeme. Mo tapakema꞉ta꞉ ipika꞉ lokena꞉ na tanda꞉pa꞉la꞉ mulamula ana꞉na꞉ yankao hali toko pamba꞉la꞉ bokisi pa꞉ta꞉ wimikime.