ಮತ್ತಾಯ 27の有名な聖句

シェア

ಸುಮಾರ್ ಮೂಂದ್ ಗಂಟೆಕ್ ಯೇಸು: ಏಲೀ, ಏಲೀ, ಲಮಾ ಸಬಕ್ತಾನೀ ಎಣ್ಣಿಯಂಡ್ ಬಲ್ಯ ಕೂತ್ ಕೊಡ್‍ತತ್. ಆಂಡ ಅರ್ಥ ನಾಡ ದೇವನೇ, ನಾಡ ದೇವನೇ, ಎನ್ನಂಗ್ ನನ್ನ ಕೈ ಬುಟ್ಟಿಯೇಂದ್ ಎಣ್ಣ್‌ವದ್.

ಅಕ್ಕ, ದೇವಾಲಯತ್‍ಲ್ ಇಂಜ ಪಡಿರ ಬಟ್ಟೆ ದಂಡ್ ಬಾಗವಾಯಿತ್ ಕೊಡಿಯಿಂಜ ಅಡಿಕತ್ತನೆ ಕೀತಿ ಪೋಚಿ. ಬೂಮಿ ಅಲ್ಲಾಡ್‌ಚಿ, ಬಂಡೆ ಕಲ್ಲ್ ದಂಡ್ ಬಾಗವಾಚಿ, ಗೋರಿಯಂಗ ಸಹ ತೊರ್ಂದತ್. ಪಿಂಞ ಚತ್ತ್‌ಪೋನ ದುಂಬ ದೇವಡ ಮಕ್ಕ ಸಹ ಚಾವ್‍ಯಿಂಜ ಎದ್ದತ್.

ಯೇಸು ಪುನಃ ಬಲ್ಯ ಸ್ವರತ್‍ಲ್ ಕೂತ್ ಕೊಡ್‌ಪಂಜಿ ಜೀವ ಬುಟ್ಟತ್.

ನೂರ್ ಸಿಪಾಯಿಯಂಗಡ ಅದಿಕಾರಿ ಪಿಂಞ ಅಂವೊಂಡ ಕೂಡೆ ನಿಂದಂಡ್ ಯೇಸುನ ನೋಟಿಯಂಡಿಂಜ ಜನ ಬೂಕಂಪ ಪಿಂಞ ಅಲ್ಲಿ ಆಪಾನೆಲ್ಲಾ ಕಂಡಿತ್, ಬೊತ್ತಿತ್: ಈ ಮನುಷ್ಯ ನೇರಾಯಿತ್ ದೇವಡ ಮೋಂವೊನಾಯಿತ್ಂಜತ್ ಎಣ್ಣಿಯಂಡ್ ಎಣ್ಣ್‌ಚಿ.

ಮಜ್ಜಣ ಪನ್ನೆರಂಡ್ ಗಂಟೆಯಿಂಜ ಮೂಂದ್ ಗಂಟೆಕತ್ತನೆ ದೇಶ ಪೂರ್ತಿ ಇರ್‌ಟಾಚಿ.

ಅಕ್ಕ ಪಿಲಾತ ಅಯಿಂಗಳ ನೋಟಿತ್: ಅನ್ನನೆ ಆಚೇಂಗಿ ಕ್ರಿಸ್ತ ಎಣ್ಣುವ ಯೇಸುನ ನಾನ್ ಎಂತ ಮಾಡಂಡೂಂದ್ ಕ್‍ೕಟತ್. ಅಂವೊನ ಶಿಲುಬೇಕ್ ಇಡೀಂದ್ ಕೂತ್ ಕೊಡ್‍ತತ್. ಅಕ್ಕ ಅದಿಪತಿ: ಎನ್ನಂಗ್? ಅಂವೊ ಎಂತ ತಪ್ಪ್ ಮಾಡಿತುಂಡ್‍ೕಂದ್ ಕ್‍ೕಟತ್. ಆಚೇಂಗಿ ಜನ ಇಂಞು ಜೋರಾಯಿತ್ ಅಂವೊನ ಶಿಲುಬೇಕ್ ಇಡೀಂದ್ ಕೂತ್ ಕೊಡ್‍ತತ್.