Tio 28の有名な聖句

Pet quxhvaq. Tul bʼenoq etxhus jankʼal inqʼa tenam s-kaqaayil tiʼ vinyolbʼal. Tul laʼ motx etaqʼ kuʼ inqʼa xaol xeʼ aʼ tuchʼ ibʼij u quBʼaal Tiuxh, atz tuchʼ vinbʼij, in viKʼaol [quBʼaal Tiuxh,] atz tuchʼ ibʼij viTiuxhil Tiuxh. Tul laʼ motx etxhus inqʼa xaol tiʼ inimal jankʼalxh inqʼa yol, inqʼa qat motx val ka sete. Tul at in sekʼatza jun qʼij laʼ ibʼana, tetxhal topoon vimotxebʼal u qʼij saq, —xeʼt Jesuus.

Yaʼne ijetxh tzaan tibʼ Jesuus kʼatz inqʼa nikich itxhus tibʼ s-kʼatza. Tul ech tal Jesuus s-eche: —Qat taqʼl vet quBʼaal Tiuxh viqleʼm tiibʼa u amlikaʼ, atz tiibʼa u vatz txʼavaʼ s-kaqaayil.

Yaʼne ech tal u aanxel te inqʼa ixoq s-eche: —Yeʼ kuxh xoʼv ex. Tan vootzaqle uvaʼ, aʼ u Jesuus nik etxhokeʼ, uvaʼ aqʼax jaʼ vatz kurus. Pet yeʼl vet Jesuus tzitza, tan ¡qat itzʼeʼvy inpaqte! Tan ech uvaʼe alel taʼn. Pet etulvaq; tul uloq etil u atibʼal tal uvaʼ aqʼaxik ka u quBʼaal.

Tul ech tal Jesuus s-eche: —Yeʼ kuxh xoʼv ex. Pet bʼenoq etal u yol te inqʼa niman vetz. Tul een bʼen inkʼulvat vibʼ s-tuchʼ tuulbʼal Galileea, —xeʼt Jesuus.

Yaʼne ikʼul vet tibʼ inqʼa iqʼesal oksan yol vatz Tiuxh tuchʼ jolt inqʼa iqʼesal u tenam tiʼ ibʼanax eela iyol. Tul sibʼxh puaq taqʼ te inqʼa sol, inqʼa ex xeen tal uvaʼ muqtxʼik Jesuus. Tul ech motx tal te inqʼa sol s-eche: —Echetz laʼ motx etal vet s-eche: «Tuulbʼaletz uvaʼs vaty oʼ, tul qat ex iqʼoloq tzaan vitxhiʼoʼl Jesuus s-aqʼbʼal taʼn txhaqnaq inqʼa nikich itxhus tibʼ kʼatz naq,» chaq ex. Oqetz toq aqʼbʼoq u yol xeʼ Pilaato, tul aʼetz oʼ bʼen bʼokʼtziin naq. Echetz toq etele t-vitzaʼlal, —xeʼt inqʼa iqʼesal. Ikʼuletz vet inqʼa sol u puaq, tul aʼ motx tal vet kam uvaʼ motx alax s-te. Tul ant tel talax inqʼa yol s-txheel xoʼl inqʼa tij imam Israeel kam uvaʼ motx tal inqʼa sol.