ຮາບາກຸກ 1の有名な聖句

シェア

ແລ້ວ​ອົງພຣະ​ຜູ້​ເປັນເຈົ້າ​ກໍ​ກ່າວ​ແກ່​ປະຊາຊົນ​ຂອງ​ພຣະອົງ​ວ່າ, “ຈົ່ງ​ຄອຍ​ເຝົ້າເບິ່ງ​ຊົນຊາດ​ທັງຫລາຍ​ທີ່​ຢູ່​ອ້ອມຮອບ​ພວກເຈົ້າ ແລະ​ພວກເຈົ້າ​ກໍ​ຈະ​ປະຫລາດ​ໃຈ​ໃນ​ສິ່ງ​ທີ່​ພວກເຈົ້າ​ເຫັນ. ເຮົາ​ກຳລັງ​ຈະ​ເຮັດ​ໃນ​ສິ່ງ​ທີ່​ພວກເຈົ້າ​ຈະ​ບໍ່​ເຊື່ອ ເມື່ອ​ພວກເຈົ້າ​ໄດ້ຍິນ​ກ່ຽວກັບ​ເລື່ອງ​ນັ້ນ.

ຂ້າແດ່​ພຣະເຈົ້າຢາເວ ຂ້ານ້ອຍ​ຈະ​ຕ້ອງ​ຮ້ອງ​ຂໍ​ໃຫ້​ພຣະອົງ​ຊ່ວຍເຫລືອ​ດົນ​ປານໃດ ກ່ອນ​ພຣະອົງ​ຈະ​ສະດັບ​ຮັບ​ຟັງ​ຂ້ານ້ອຍ ກ່ອນ​ທີ່​ພຣະອົງ​ຈະ​ຊ່ວຍຊູ​ພວກ​ຂ້ານ້ອຍ​ໃຫ້​ພົ້ນ​ຈາກ​ການ​ທາລຸນ?

ເປັນຫຍັງ​ພຣະອົງ​ຈຶ່ງ​ເຮັດ​ໃຫ້​ຂ້ານ້ອຍ​ເຫັນ​ຄວາມ​ເດືອດຮ້ອນ​ເຊັ່ນນີ້? ພຣະອົງ​ທົນ​ເບິ່ງ​ການກະທຳ​ອັນ​ຊົ່ວຊ້າ​ເຊັ່ນນີ້​ໄດ້​ຢ່າງໃດ? ການທຳລາຍ ແລະ​ການ​ທາລຸນ​ອ້ອມຮອບ​ຂ້ານ້ອຍ​ຢູ່ ທັງ​ການ​ສູ້ຮົບ​ຕະຫລອດ​ການ​ວິວາດກັນ​ກໍ​ມີ​ຢູ່​ທຸກແຫ່ງ​ທຸກຫົນ.

ກົດບັນຍັດ​ຖືກ​ຫຍໍ້ຫຍັນ ແລະ​ຄວາມ​ຍຸດຕິທຳ​ກໍ​ບໍ່ມີ​ເລີຍ. ຄົນ​ອະທຳ​ເອົາປຽບ​ຄົນ​ຊອບທຳ; ເພາະເຫດນັ້ນ ຄວາມ​ຍຸດຕິທຳ​ຈຶ່ງ​ຖືກ​ບິດເບືອນ.