Aromayi 10の有名な聖句

シェア

Ntuge n ha gna aza n ho gbeyi nge Kristi Yesu nu zhin ho Dagayi ha ga gaiciya nho bugbami nge Shekwoyi lawo laka n vingwo, ho ɓa pwo.

Gama dna n gaiciya ga nu nbugba n oza bwa gnigni manayi n Shekwoyi aba, n wo gbeyi nu njesun n wo gna aza owo gaiciya ga ɓo.

Ama gaiciya ga ɓe n Shekwoyi ɓeda wonu, Nabari manayi Kristi nya.

Gama Shekwoyi ɓeda gna yi ge, oza to lo n wo ga Kristi gaiciya vinyikwo kwa wo won. A Yahudiyi n na tna kaciya zhinyi gmanyi nu, oɓa Dagayi gmanyi nu n wo gaɓa anya vinya, n ɓa nya wo n bugbai gmanyi nyi. Oza n wa yi Shekwoyi eye wo ɓa pwo.

Oza ɓa lo n wuna wo gna ɓa to ai tnu wo ma? Nya nu n Shekwoyi ɓeda da sanu n kwa ci n cei ge, “Gye shi oɓa apita bmiya oɓanu nɓa zhin bugba fun nabari manayi Shekwoyi nya waʼazi, ɓai ɓe n nabari a gmada nyai. Aza a yeyeyi nu aza n ɓa zhin Shekwoyi nabari manayi waʼazi nyi.”

Ama ɓaɓa nya wo n wuna nge wo gniɓa a kpe baga gaiciya? Ɓai ɓa gawo gaiciya n wuna to ɓai wo wo ɓon ma? Ɓai ɓa wo wo ɓo n wuna to ozai gna ɓan ma?

Ɓata kpe genyi lo ge, Kristi ga aza nu n ɓa ga gaiciya, anya vinya n ɓa zhin atna ɓa bwa, dna n na awyidna bwashin. Woɓo ku ce zo vinya.