Klei Yap 13の有名な聖句

シェア

Ƀiădah Y-Kalep brei phung ƀuôn sang dôk ñăt ti anăp Y-Môis leh anăn lač, “Brei drei đĭ nao mtam leh anăn plah mă čar anăn, kyuadah sĭt drei dưi mă čar anăn.”

Leh anăn hlăm čar anăn hmei ƀuh phung Nêphilim (phung anak Y-Anak, phung kbiă hriê mơ̆ng Nêphilim); hmei dlăng kơ hmei pô msĕ si ktuôp, leh anăn diñu dlăng kơ hmei msĕ snăn mơh.”

Hlăk anăn phung êkei nao mbĭt hŏng ñu lač, “Drei amâo dưi đĭ ngă kơ phung ƀuôn sang anăn ôh; kyuadah diñu jing ktang hĭn kơ drei.”

Snăn diñu yăl dliê ti anăp phung ƀuôn sang Israel klei jhat kơ čar diñu ksiêm dlăng leh, lač, “Čar hmei hiu leh čiăng ksiêm dlăng jing sa boh čar ƀơ̆ng phung ƀuôn sang ñu pô; leh anăn jih jang phung mnuih hmei ƀuh hlăm čar anăn jing phung prŏng dlông.

Diñu hưn kơ Y-Môis, “Hmei truh leh kơ čar ih tiŏ hmei nao; čar anăn mâo mnơ̆ng ƀơ̆ng huă mnăm êbeh dlai sĭt, leh anăn nĕ anei boh mơ̆ng čar anăn.

Ƀiădah mnuih ƀuôn sang dôk hlăm čar anăn jing ktang, leh anăn ƀuôn jing prŏng snăk mâo mnư̆ kjăp; êbeh kơ anăn hmei ƀuh tinăn phung anak čô Y-Anak.

Phung Amalek dôk hlăm čar Dhŭng; phung Hitit, phung Jêbusit, leh anăn phung Amôrit dôk hlăm čar kngư; leh anăn phung Kanaan dôk giăm êa ksĭ leh anăn hlue êa krông Yurdan.”

Diñu truh kơ Y-Môis leh anăn Y-Arôn leh anăn kơ jih jang phung ƀuôn sang Israel ti Kadês hlăm kdrăn tač Paran. Diñu yăl dliê kơ digơ̆ leh anăn kơ jih jang phung bi kƀĭn, leh anăn bi êdah kơ digơ̆ boh mơ̆ng čar anăn.