Y-Luk 8の有名な聖句

シェア

Bi mjeh lĕ hlăm lăn jăk, jing phung hmư̆ klei blŭ, djă pioh klei blŭ anăn hlăm ai tiê ênuah leh anăn jăk, leh anăn mboh hŏng klei gĭr.”

Bi mjeh lĕ hlăm anôk êruê, jing phung hmư̆ leh ƀiădah êjai diñu đuĕ nao, klei uêñ hnĭng, klei mdrŏng, leh anăn klei mơak kơ klei hdĭp anei ktư̆ hĕ diñu, leh anăn diñu amâo mboh tơl ksă ôh.

Mjeh lĕ ti boh tâo jing phung hmư̆ klei blŭ leh anăn mă tŭ hŏng klei hơ̆k, ƀiădah diñu amâo mâo agha ôh. Diñu đăo knŏng bhiâo, leh anăn tơdah mâo klei lông dlăng diñu lui wir.

Yêsu lač kơ digơ̆, “Ti klei đăo diih?” Digơ̆ huĭ, bi kngăr, leh anăn bi lač hdơ̆ng digơ̆, “Hlei Pô anei, tơl wăt angĭn leh anăn êa poh yă gưt kơ klei Ñu mtă mơh?”

Mjeh lĕ ktuê êlan jing phung hmư̆ klei blŭ, ƀiădah yang jhat hriê leh anăn mă hĕ klei blŭ mơ̆ng ai tiê diñu, huĭ kơ diñu đăo leh anăn mâo hĕ klei bi mtlaih.

Kyuadah amâo mâo ôh mnơ̆ng arăng mdăp leh amâo srăng bi êdah, kăn mâo rei mnơ̆ng hgăm arăng amâo srăng bi thâo leh anăn bi êdah mngač.

Tơdah mniê anăn thâo kơ gơ̆ amâo dưi mdăp ôh, gơ̆ nao hŏng klei ktư̆ yơ̆ng asei mlei, klăm ti jơ̆ng Yêsu, leh anăn hưn ti anăp jih jang mnuih ya ngă gơ̆ ruêh Yêsu leh anăn si klei gơ̆ hlao leh bhiâo riâo rit. Yêsu lač kơ gơ̆, “Ơ bŭ, klei ih đăo bi hlao ih leh. Nao bĕ êđăp ênang.”

Diñu nao êrâo Yêsu, lač, “Ơ Nai, Ơ Nai, drei djiê yơh!” Yêsu mdih, ghă angĭn leh anăn êa poh yă. Snăn angĭn wăt êa poh yă mdei leh anăn mâo klei êngăn êđăp ênang yơh.