I Kôrantô 13の有名な聖句

シェア

Klei khăp thâo gĭr leh anăn bŏ hŏng klei jăk; klei khăp amâo nač amâodah bi mđĭ ñu pô; ñu amâo mgao, amâodah ngă klei wê ôh. Klei khăp amâo duah klei tŭ dưn kơ ñu pô ôh; ñu amâo djăl ăl amâodah đing kơ klei jhat ôh

Klei khăp tŭ jih, đăo jih, čang hmăng jih, gĭr jih.

ñu amâo mơak ôh hŏng klei amâo kpă, ƀiădah ñu mơak hŏng klei sĭt nik.

Ară anei tlâo klei ăt dôk: klei đăo, klei čang hmăng, leh anăn klei khăp; ƀiădah hlăm tlâo klei anei klei khăp jing prŏng hĭn.

Klei khăp amâo tuôm tuč ôh; ƀiădah klei hưn êlâo srăng tuč. Klei blŭ klei tue mdê mdê srăng ruê̆; klei thâo săng srăng êgao tuč.

Tơdah kâo dưi blŭ lu klei phung mnuih leh anăn klei phung dĭng buăl jăk, ƀiădah amâo mâo klei khăp ôh, kâo jing msĕ si čing bi ênai amâodah dang mñê.

Tơdah kâo mâo klei dưi hưn êlâo, leh anăn thâo jih klei hgăm leh anăn mâo jih klei thâo săng, leh anăn tơdah kâo mâo jih klei đăo tơl dưi bi klưh čư̆, ƀiădah amâo mâo klei khăp ôh, kâo jing hơăi mang.

Tơdah kâo brei kơ arăng jih dŏ dô kâo mâo, leh anăn tơdah kâo jao asei mlei kâo brei arăng čuh hŏng pui, ƀiădah amâo mâo klei khăp ôh, klei anăn amâo mâo tŭ dưn kơ kâo ôh.

Êjai kâo jing hđeh, kâo blŭ msĕ si hđeh, kâo mĭn msĕ si hđeh, kâo bi mgăl msĕ si hđeh. Tơdah kâo jing mnuih khua leh, kâo lui jih klei hđeh.