ကမ္ဘာဦးကျမ်း 45の有名な聖句

シェア

သို့ရာတွင် အကျွန်ုပ်​ကို ဤ​အရပ်​သို့​ရောင်း​လိုက်​သည့်​အတွက် ဝမ်း​မ​နည်း​ကြ​ပါ​နှင့်​။ ကိုယ့်ကိုယ်ကိုယ်​အမျက်​မ​ထွက်​ကြ​ပါ​နှင့်​။ အကြောင်းမူကား ဘုရားသခင်​သည် လူ​တို့​အသက်​ကို​စောင်မ​ရန်​အတွက် သင်​တို့​ထက်​အလျင် အကျွန်ုပ်​ကို​စေလွှတ်​တော်မူ​၏​။

သို့ဖြစ်၍ သင်​တို့​သည် အကျွန်ုပ်​ကို ဤ​အရပ်​သို့​စေလွှတ်​သည်​မ​ဟုတ်​။ ဘုရားသခင်​စေလွှတ်​တော်မူ​သည်​ဖြစ်​၏​။ ကိုယ်တော်​သည် အကျွန်ုပ်​ကို ဖာရော​မင်းကြီး​၏​အဖ​အရာ​၌​လည်းကောင်း​၊ နန်းတော်သူ​နန်းတော်သား​အပေါင်း​တို့​၏​သခင်​အရာ​၌​လည်းကောင်း​၊ အီဂျစ်​ပြည်​တစ်ပြည်လုံး​ကို​အုပ်စိုး​သော​သူ​အရာ​၌​လည်းကောင်း ခန့်ထား​တော်မူ​ပြီ​။

မြေကြီး​ပေါ်၌ သင်​တို့​အသက်ရှင်​ကျန်ရစ်​စေရန် သင်​တို့​ကို​ထိန်းသိမ်းစောင့်ရှောက်​မည့်​အကြောင်း​၊ ကြီးစွာ​သော​ကယ်တင်​ခြင်း​ဖြင့် သင်​တို့​အသက်ချမ်းသာ​ရာ​ရ​စေ​မည့်​အကြောင်း ဘုရားသခင်​သည် အကျွန်ုပ်​ကို သင်​တို့​ထက်​အလျင် စေလွှတ်​တော်မူ​၏​။

ထိုအခါ ယောသပ်​က ညီအစ်ကို​တို့​အား “​အကျွန်ုပ်​အနား​သို့​လာ​ကြ​ပါ​လော့​”​ဟု ဆို​သဖြင့် သူ​တို့​သည် အနား​သို့​လာ​ကြ​၏​။ ယောသပ်​က “​အကျွန်ုပ်​သည် အီဂျစ်​ပြည်​သို့ သင်​တို့​ရောင်း​လိုက်​သော သင်​တို့​၏​ညီ​ယောသပ်​ဖြစ်​ပါ​၏​။

မြေကြီး​ပေါ်၌ ငတ်မွတ်ခေါင်းပါး​ခြင်း​ဘေး နှစ်​နှစ်​ဖြစ်​ခဲ့​ပြီ​။ ထွန်ယက်​ခြင်း​၊ ရိတ်သိမ်း​ခြင်း​မ​ပြု​နိုင်​သော​နှစ် ငါး​နှစ်​ရှိ​သေး​၏​။

ယောသပ်​က သူ​၏​ညီအစ်ကို​တို့​အား “​အကျွန်ုပ်​သည် ယောသပ်​ဖြစ်​၏​။ အကျွန်ုပ်​၏​ဖခင် အသက်ရှင်​သေး​သလော​”​ဟု မေး​၏​။ သို့သော် ညီအစ်ကို​တို့​သည် ယောသပ်​ရှေ့​၌ ထိတ်လန့်​နေ​ကြ​သဖြင့် သူ့​ကို​ပြန်​မ​ဖြေ​နိုင်​ကြ​။