Salmo 63の有名な聖句

シェア

O Dios, imo o Dios ko. Imo o fermi ko a chitahen. Mawaw ako nimo a akma so kaparin no nakolay a tana do kabo no timoy, ta imo o chitahen ko no atavo a mian diaken.

No di aya mabdibdis a addaw mo o mapipia pa kano viay, dawa dadayen koymo.

Mintras maviay ako am imo o pamahmahsan ko. Pamatohen ko o tanoro ko a tomawatawag dimo.

Chitahen koymo do vahay mo a dawri so kavoyan ko so makakniknin a ipakapamarin mo.

takwan imo o fermi a somidong diaken. Makakanta ako no soyot ko, ta akma koy fermi a mian do sirong no panid mo. Imo o panaptan ko as fermi mo yaken a pondanan.

An mian ako na do pakaychehan ko am manakem koymo as do mayramway am imo o mian do aktokto ko