Proverbo 22の有名な聖句

シェア

Paynananawhen mo o asa ka metdeh do mayanong a dadakay tapian an mayrakorakoh sia am kawayakan na sava ya.

Sincharan mo a aniven o Apo taya as kapamahbo mo tapian mian o kaynakman mo, onor dimo as kano manaro a viay.

An paypipidien ka do kaynakman anmana mapia a kasincharan dimo am pidien mo o mapia a kasincharan dimo.

Machikayvan kava dira do oyod a malotod kano masosolien sa

Makadadam ka as kapangatay mo dira do makasiasi, ta no Apo taya o ombendision dimo.

No rakoh so pinangtoktoan am makapatak do atavo a mangananawa, pero no di mangtokto am tod a kalo as do kwanasaw am rakoh o kapanehseh na.

Pakovoten sa no maynakem o makasiasi. An mamohod ka am pakovoten naymo no pinamohoran mo.

Arava o paytadkan no maynakem kano makasiasi, ta mayalit sa ya inmaog no Apo taya.

Maybentahe kava do makasiasi a makayamot do kayan no ichaparin mo sia anmana maybentahe kava dira do abo so mapaparin do hosgado. No Apo taya o omdefende nira as an sino omatetek dira am no Apo taya o machidiman nira.