<div class="version vid1146 iso6393nca" data-vid="1146" data-iso6393="nca">
 <div class="book bkJHN">
 <div class="chapter ch3" data-usfm="JHN.3">
 <div class="label">3</div><div class="s1">Yesu koya Nikodemus koya mande tariy&#243;</div><div class="p"> 1Asa uni ka yar&#243; mu, ow&#237; muko Nikodemus. &#330;uko Farisi uni#3:1 &#8220;Farisi uni&#8221; &#331;uko unindoro huru-huru ka Israel mirako &#331;uno ya&#331;gur&#237;. Enendo Anutu koro hutu&#331;o mande &#331;uro okey&#225; ta howero uniparetoro to&#331;eyemo ow&#233;ye par&#225;mi ta&#331;gur&#237;. ka, Juda koro uni kemb&#233; ka. 2Uni &#331;u suwono Yesuko mahero &#331;ande yar&#243;, &#8220;Rapi,#3:2 &#8220;Rapi&#8221; &#331;uro mur&#237; muko &#331;andiro, &#8220;Rondaqe-rondaqe Uni.&#8221; nore &#331;ande i&#331;omukoteto, keko rondaqe-rondaqe uni Anutu ko&#331;go mahete qu. Dokoro Anutuko uni kaya kama yote tin&#237;qo, rok&#243;-rok&#243; keto teyote &#331;unde qu tewero mep&#233;mo kini.&#8221;</div><div class="p"> 3Yesuko mand&#237; top&#233; &#331;ande yar&#243;, &#8220;Ham&#243; hor&#233; &#331;ande kimiroteno, uni ka pitu ko kama pisiyoweya quko, enendo Anutuko uniparey&#243; wiri yereyote naruy&#243;#3:3 &#8220;Anutuko uniparey&#243; wiri yereyote naruy&#243;mo&#8221; &#331;uno i&#331;ondutu unipareko ham&#243; Anutu kusu&#331;oy&#243;mo yowa&#331;go. &#331;u kama qeneweya.&#8221;</div><div class="p"> 4Yin&#237; &#331;ande oseseyar&#243;, &#8220;Date tero uni ko&#331;gomu kato pitu ko nim&#237;mbo pisiyoweya? &#330;umbeka nim&#237; qah&#237; quroko pitu ko uweya?&#8221;</div><div class="p"> 5Yesuko mande top&#233; &#331;ande yar&#243;, &#8220;Ham&#243; hor&#233;, &#331;ande kimiroteno, uni ka sonowore, Yuqawore kama pisiyoweya quko, enendo Anutuko uniparey&#243; wiri yereyote naruy&#243;mo &#331;uno kama oweya.#3:5 Esekiel 36:25-27 weyo qembe. 6Kowe sa&#331;an&#237;mbo pisiyote &#331;uko kowe sa&#331;an&#237; na&#331;ge, ko Yuqako pisiyote &#331;uko yuqa na&#331;ge. 7Nondo kimiroteno, &#8216;Ye pisiyoweya qu pitu ko tunoqi,&#8217; yeteno, quko &#331;uro i&#331;ondata par&#225;mi ma tewero. 8Qeno, mat&#250; &#331;uko ene&#331;o i&#331;o-i&#331;oy&#243; howero mira kawore-kawore &#331;ana uyote. Ke niriy&#243; &#331;u i&#331;oyote, quko dawore mahete ko dawore ute &#331;u kama i&#331;oyote. Asa Yuqako date unipare pisi yerete &#331;uro mur&#237; &#331;uya kama i&#331;oyoteto.&#8221;</div><div class="p"> 9Nikodemusko &#331;ande oseseyar&#243;, &#8220;&#330;u date tunoqeweya?&#8221;</div><div class="p"> 10Yin&#237; mande top&#233; &#331;ande yar&#243;, &#8220;Date koro? Ke Israel uniparetoro rondaqe-rondaqe uni tete, quko o &#331;uro kama i&#331;ote &#331;u? 11Ham&#243; hor&#233; kimiroteno, noreko o i&#331;oyoteto &#331;uro yeyoteto. Ko o komo qeneto &#331;uro yesowo yeyoteto. Quko ye mande norendo yesowo yeyoteto &#331;uro huw&#243;&#331;oyote&#331;go. 12Nondo o nokono quro yimiranow&#243;, quko ye kama i&#331;ondutuwoya&#331;gur&#237;. &#330;unde &#331;uroko no o samboko quro ye yimirowano tin&#237;qo, ye date i&#331;ondutuwowa&#331;go? 13Ko uni kato samboko kama or&#243;. Kini. Unindoro Na&#331;un&#237; &#331;undo#3:13 &#8220;Unindoro Na&#331;un&#237;&#8221; &#331;uko Yesu na&#331;ge. na&#331;ge sambo &#331;u roto umbur&#243;. 14Komo Mosesko mira wimb&#237;mo sire ka hokar&#243;,#3:14 Naru kano Israel unipareto mira wimb&#237;mo &#331;uno khete uyarero Anutu koya kisikasa mande yeya&#331;gur&#237;. &#330;unde yiqo, Anutuko sire kumi as&#225; yirin&#237; unipare qambu yiki khuma&#331;gur&#237;. Yate unipareto newondeye rohor&#233;&#331;oyi Anutuko Moses miron&#237; sire ka braspo toworo koreko hokon&#237; uni sireko yika&#331;gur&#237; &#331;u qeni Anutuko yorin&#237; met&#233; ta&#331;gur&#237;. (Qambuye 21:4-9 weyo qembe.) &#331;unde na&#331;ge uni kumimbo Unindoro Na&#331;un&#237; hokowa&#331;go. 15&#330;unde tero uni soso i&#331;ondutu tewa&#331;go &#331;uko ene quroy&#243;mo &#331;uno yoto-yoto suki-suki rewa&#331;go,&#8221; yar&#243;.</div><div class="p"> 16Dokoro Anutuko ham&#243; newonde met&#233; unipare soso yunoyote. &#330;unde tero Na&#331;un&#237; Kanata Na&#331;ge &#331;u roto yunar&#243;. Roto yunon&#237; unipare soso Na&#331;un&#237; &#331;u i&#331;ondutuwoyote&#331;go &#331;uko kama piyo tewa&#331;go. Kini, yoto-yoto suki-suki rewa&#331;go. 17Dokoro Anutuko Na&#331;un&#237;mbo oteteyemboro top&#233; piyimi unipare yunowero quro kama as&#225;&#331;on&#237; nokono umbur&#243;. Kini, Na&#331;un&#237;wore unipare rambaruru ko&#331;go yorewero quro as&#225;&#331;on&#237; umbur&#243;. 18Uni kato i&#331;ondutuwoyote &#331;uko top&#233; piyimi kama reweya. Quko uni kato kama i&#331;ondutuwoyote &#331;uko, Anutuko komo &#331;ande yar&#243;, top&#233; piyimi reweya. Dokoro, enendo Anutu koro Na&#331;un&#237; Kanata Na&#331;ge koro ow&#237; &#331;u kama i&#331;ondutuwoyar&#243;. 19Ko top&#233; piyimi reweya &#331;uro mur&#237; muko &#331;andiro: hiy&#243; nokono tunoqar&#243;. Quko unipareto otete piyimi teya&#331;go. &#330;uroko huriri koro wat&#237; met&#233;&#331;oro hiy&#243; huw&#243;&#331;oya&#331;go. 20Unipare soso o piyimi teyote&#331;go &#331;uko, hiy&#243; koro sa&#331;gir&#237;&#331;o tero hiy&#243;mo &#331;uno kama maheyote&#331;go. Dokoro &#331;unde mahiqo, oteteye tunomo tunoqeweya. 21Quko uni ka otete ham&#243; mu teyote &#331;uko hiy&#243;mo maheyote. &#330;unde tero unipare soso &#331;undo ene Anutu howero o tar&#243; &#331;u qene i&#331;owa&#331;go.</div><div class="s1">Jon, sono re yunoyara uni &#331;undo Yesu &#331;uro tunomo yesowar&#243;</div><div class="p"> 22Imemo&#331;go Yesu koya i&#331;o-i&#331;o rewero uniy&#243;mboya#3:22 &#8220;i&#331;o-i&#331;o rewero uni&#8221; &#331;undo Yesu koya uyaro i&#331;o-i&#331;o rondaqe yunoyar&#243;. Judia mirako &#331;uno uyare&#331;gur&#237;. Uyaro &#331;uno yotoro unipare sono re yunoyara. 23&#330;u naruko &#331;uno Jonko Salim yend&#233; sumeyoro Ainon yend&#233; &#331;uno sono re yunoyara. Dokoro sono qambu &#331;uno yora. Unipare &#331;uno mahiqo, sono re yunoyara. 24(&#330;u naruko &#331;uno Jon kusi-kusi yano kama re rota&#331;gur&#237;.)#3:24 Jonko wiri yerete uni Herot koro otetey&#243; tunomo qene ronda&#331;in&#237; kusi-kusi yano re rotoro, yate uron&#237; khumar&#243;. (Mak 6:17-29 weyo qembe.)</div><div class="p"> 25Asa Jon koro i&#331;o-i&#331;o rewero uniy&#243;mboya#3:25 &#8220;i&#331;o-i&#331;o rewero uni&#8221; &#331;unde qundo rondaqe-rondaqe unindoya uyaro i&#331;o-i&#331;o yunoyar&#243;. Juda uni kanata kaya kiro puso tero &#331;ande ya&#331;gur&#237;, &#8220;Nore date sonoworo Anutu to&#331;&#237;mo sara tewato,&#8221; ya&#331;gur&#237;. 26&#330;unde tero i&#331;o-i&#331;o rewero uniy&#243; Jonko uyaro &#331;ande mira&#331;gur&#237;, &#8220;Rapi,#3:26 &#8220;Rapi&#8221; &#331;uro mur&#237; muko &#331;andiro, &#8220;Rondaqe-rondaqe Uni.&#8221; uni komo keya Jotan Sono kar&#243;&#331;o andusina yotoro keto &#331;uro yesowoyar&#243; &#331;uno qu, itaka enendo unipare sono re yunon&#237; soso &#331;uno uyaremukote&#331;go.&#8221;</div><div class="p"> 27&#330;unde yi Jonko mande top&#233; &#331;ande yar&#243;, &#8220;Asa Anutu samboko yote &#331;undo oka re uni ka kama inon&#237;qo, o &#331;u kama reweya. 28Ye&#331;ombo komo nondo mande yanow&#243; &#331;u i&#331;a&#331;gur&#237;, &#8216;Kristo &#331;uko no kini.#3:28 &#8220;Kristo&#8221; - komo suki ye-ye unindo Anutuko uni ka rok&#243;&#331;on&#237; mahero wiri yerete uni par&#225;mi hor&#233; tunoqeweya qu karo ya&#331;gur&#237;. Juda unipareto uni maheweya &#331;u, &#8220;Kristo,&#8221; ma, &#8220;Mesaiya,&#8221; ye neka&#331;gur&#237;. Mande irisa &#331;uro mur&#237; muko &#8220;uni rok&#243;&#331;ow&#237;&#8221; na&#331;ge. Kini, koretero Anutuko as&#225; nirin&#237; maheweqota tuk&#250; maheweya.&#8217; 29Uni kaya pare kaya epe re-re tewari quno &#331;uno uni &#331;undo na&#331;ge pare &#331;u reweya. Ene&#331;o top&#233;mbo soporo kusumbo rero ma&#331;g&#243; i&#331;oro ni&#331;gu-ni&#331;gu par&#225;mi tete. &#330;unde &#331;uroko itaka na&#331;ge ni&#331;gu-ni&#331;gu teteno, ko ni&#331;gu-ni&#331;gu &#331;u par&#225;mi tete. 30Ene&#331;o ow&#237; muko ham&#243; on&#237; nene&#331;o ow&#233;ne muko umbuweya.</div><div class="p"> 31&#8220;Uni kore ko&#331;go umbur&#243; &#331;uko o soso taka yereyote. Uni noko no&#331;go maher&#243; &#331;uko noko koro qu na&#331;ge, ko ene noko &#331;aro o quro yeyote qu. Uni sambo ko&#331;go umbur&#243; &#331;uko o soso taka yereyote. 32Eneko o komo qenero i&#331;ar&#243; &#331;uro yesowo yeyote. Quko unindo mande yesowoyote &#331;u kama reyote&#331;go. 33Uni ka ene&#331;o mand&#237; reyote &#331;uko, &#8216;Anutuko mande ham&#243; yeyote,&#8217; &#331;undiro wit&#250; nereyote. 34Ham&#243;, Anutuko uni as&#225;&#331;on&#237; maher&#243; &#331;uko Anutu koro mand&#237; yeyote, dokoro, Anutuko Yuqa Surum&#237; &#331;u par&#225;mi inar&#243;. 35Iw&#237;mbo newonde met&#233; Na&#331;un&#237; ham&#243; inoro komo o soso se kand&#237;mo rotar&#243;. 36Uni ka Na&#331;un&#237; &#331;u i&#331;ondutuwoyote &#331;uko yoto-yoto suki-suki mor&#233;. Quko uni ka Na&#331;un&#237; &#331;u huw&#243;&#331;oyote &#331;uko yoto-yoto kama reweya. Kini. Anutu koro newonde sa&#331;gir&#237; wat&#237; eneno yote.&#8221;</div>
 </div>
 </div>
</div>

Asa uni ka yaró mu, owí muko Nikodemus. Ŋuko Farisi uni ka, Juda koro uni kembé ka. Uni ŋu suwono Yesuko mahero ŋande yaró, “Rapi, nore ŋande iŋomukoteto, keko rondaqe-rondaqe uni Anutu koŋgo mahete qu. Dokoro Anutuko uni kaya kama yote tiníqo, rokó-rokó keto teyote ŋunde qu tewero mepémo kini.”
Yesuko mandí topé ŋande yaró, “Hamó horé ŋande kimiroteno, uni ka pitu ko kama pisiyoweya quko, enendo Anutuko unipareyó wiri yereyote naruyó ŋu kama qeneweya.”
Yiní ŋande oseseyaró, “Date tero uni koŋgomu kato pitu ko nimímbo pisiyoweya? Ŋumbeka nimí qahí quroko pitu ko uweya?”
Yesuko mande topé ŋande yaró, “Hamó horé, ŋande kimiroteno, uni ka sonowore, Yuqawore kama pisiyoweya quko, enendo Anutuko unipareyó wiri yereyote naruyómo ŋuno kama oweya. Kowe saŋanímbo pisiyote ŋuko kowe saŋaní naŋge, ko Yuqako pisiyote ŋuko yuqa naŋge. Nondo kimiroteno, ‘Ye pisiyoweya qu pitu ko tunoqi,’ yeteno, quko ŋuro iŋondata parámi ma tewero. Qeno, matú ŋuko eneŋo iŋo-iŋoyó howero mira kawore-kawore ŋana uyote. Ke niriyó ŋu iŋoyote, quko dawore mahete ko dawore ute ŋu kama iŋoyote. Asa Yuqako date unipare pisi yerete ŋuro murí ŋuya kama iŋoyoteto.”
Nikodemusko ŋande oseseyaró, “Ŋu date tunoqeweya?”
Yiní mande topé ŋande yaró, “Date koro? Ke Israel uniparetoro rondaqe-rondaqe uni tete, quko o ŋuro kama iŋote ŋu? Hamó horé kimiroteno, noreko o iŋoyoteto ŋuro yeyoteto. Ko o komo qeneto ŋuro yesowo yeyoteto. Quko ye mande norendo yesowo yeyoteto ŋuro huwóŋoyoteŋgo. Nondo o nokono quro yimiranowó, quko ye kama iŋondutuwoyaŋgurí. Ŋunde ŋuroko no o samboko quro ye yimirowano tiníqo, ye date iŋondutuwowaŋgo? Ko uni kato samboko kama oró. Kini. Unindoro Naŋuní ŋundo naŋge sambo ŋu roto umburó. Komo Mosesko mira wimbímo sire ka hokaró, ŋunde naŋge uni kumimbo Unindoro Naŋuní hokowaŋgo. Ŋunde tero uni soso iŋondutu tewaŋgo ŋuko ene quroyómo ŋuno yoto-yoto suki-suki rewaŋgo,” yaró.
Dokoro Anutuko hamó newonde meté unipare soso yunoyote. Ŋunde tero Naŋuní Kanata Naŋge ŋu roto yunaró. Roto yunoní unipare soso Naŋuní ŋu iŋondutuwoyoteŋgo ŋuko kama piyo tewaŋgo. Kini, yoto-yoto suki-suki rewaŋgo. Dokoro Anutuko Naŋunímbo oteteyemboro topé piyimi unipare yunowero quro kama asáŋoní nokono umburó. Kini, Naŋuníwore unipare rambaruru koŋgo yorewero quro asáŋoní umburó. Uni kato iŋondutuwoyote ŋuko topé piyimi kama reweya. Quko uni kato kama iŋondutuwoyote ŋuko, Anutuko komo ŋande yaró, topé piyimi reweya. Dokoro, enendo Anutu koro Naŋuní Kanata Naŋge koro owí ŋu kama iŋondutuwoyaró. Ko topé piyimi reweya ŋuro murí muko ŋandiro: hiyó nokono tunoqaró. Quko unipareto otete piyimi teyaŋgo. Ŋuroko huriri koro watí metéŋoro hiyó huwóŋoyaŋgo. Unipare soso o piyimi teyoteŋgo ŋuko, hiyó koro saŋgiríŋo tero hiyómo ŋuno kama maheyoteŋgo. Dokoro ŋunde mahiqo, oteteye tunomo tunoqeweya. Quko uni ka otete hamó mu teyote ŋuko hiyómo maheyote. Ŋunde tero unipare soso ŋundo ene Anutu howero o taró ŋu qene iŋowaŋgo.

Imemoŋgo Yesu koya iŋo-iŋo rewero uniyómboya Judia mirako ŋuno uyareŋgurí. Uyaro ŋuno yotoro unipare sono re yunoyara. Ŋu naruko ŋuno Jonko Salim yendé sumeyoro Ainon yendé ŋuno sono re yunoyara. Dokoro sono qambu ŋuno yora. Unipare ŋuno mahiqo, sono re yunoyara. (Ŋu naruko ŋuno Jon kusi-kusi yano kama re rotaŋgurí.)
Asa Jon koro iŋo-iŋo rewero uniyómboya Juda uni kanata kaya kiro puso tero ŋande yaŋgurí, “Nore date sonoworo Anutu toŋímo sara tewato,” yaŋgurí. Ŋunde tero iŋo-iŋo rewero uniyó Jonko uyaro ŋande miraŋgurí, “Rapi, uni komo keya Jotan Sono karóŋo andusina yotoro keto ŋuro yesowoyaró ŋuno qu, itaka enendo unipare sono re yunoní soso ŋuno uyaremukoteŋgo.”
Ŋunde yi Jonko mande topé ŋande yaró, “Asa Anutu samboko yote ŋundo oka re uni ka kama inoníqo, o ŋu kama reweya. Yeŋombo komo nondo mande yanowó ŋu iŋaŋgurí, ‘Kristo ŋuko no kini. Kini, koretero Anutuko asá niriní maheweqota tukú maheweya.’ Uni kaya pare kaya epe re-re tewari quno ŋuno uni ŋundo naŋge pare ŋu reweya. Eneŋo topémbo soporo kusumbo rero maŋgó iŋoro niŋgu-niŋgu parámi tete. Ŋunde ŋuroko itaka naŋge niŋgu-niŋgu teteno, ko niŋgu-niŋgu ŋu parámi tete. Eneŋo owí muko hamó oní neneŋo owéne muko umbuweya.
“Uni kore koŋgo umburó ŋuko o soso taka yereyote. Uni noko noŋgo maheró ŋuko noko koro qu naŋge, ko ene noko ŋaro o quro yeyote qu. Uni sambo koŋgo umburó ŋuko o soso taka yereyote. Eneko o komo qenero iŋaró ŋuro yesowo yeyote. Quko unindo mande yesowoyote ŋu kama reyoteŋgo. Uni ka eneŋo mandí reyote ŋuko, ‘Anutuko mande hamó yeyote,’ ŋundiro witú nereyote. Hamó, Anutuko uni asáŋoní maheró ŋuko Anutu koro mandí yeyote, dokoro, Anutuko Yuqa Surumí ŋu parámi inaró. Iwímbo newonde meté Naŋuní hamó inoro komo o soso se kandímo rotaró. Uni ka Naŋuní ŋu iŋondutuwoyote ŋuko yoto-yoto suki-suki moré. Quko uni ka Naŋuní ŋu huwóŋoyote ŋuko yoto-yoto kama reweya. Kini. Anutu koro newonde saŋgirí watí eneno yote.”

聞く Jon 3